உங்க பற்களை பளிச்சுனு வெள்ளை நிறத்துல மாத்தணுமா?இந்த வீட்டு வைத்தியங்கள பாலோ பண்ணுங்க!

முத்து போன்ற வெள்ளை நிற பற்களை பெற வேண்டும் என்பது எல்லோரின் கனவாக இருக்கிறது. இது முகத்தின் வசீகரத்தை அதிகரிப்பது மட்டுமின்றி, ஆரோக்கியமாக இருப்பது போன்ற தோற்றத்தையும் கொடுக்கக்கூடியது. நீங்கள் ஒருவரை முதன்முறையாகச் சந்திக்கும் போது, உங்கள் பற்கள் இயல்பாகவே அவர்களின் பார்வையில் படும்போது, பற்கள் நல்ல நிலையில் உள்ளதா அல்லது அவை மஞ்சள் அல்லது மோசமாக கருப்பாக உள்ளதா என்பதைக் கொண்டு, உங்களை பற்றிய அபிமானமும் அவர்களுக்கு ஏற்படுகிறது.

வெள்ளை நிற பற்கள் மிகவும் விரும்பப்படுவதற்கு வேறு சில காரணங்களும் உள்ளன, அவை ஒருவரின் தன்னம்பிக்கையை அதிகரிக்கவும், மக்கள் சுதந்திரமாக சிரிக்கவும் உதவுவதோடு கேமராக்களுக்காக சிரிக்க வெட்கப்படும் சூழல்களை தவிர்க்கிறது. பற்களை வெண்மையாக வைத்திருக்க, பல்லாயிரம் ரூபாய் செலவழித்து விலையுயர்ந்த பற்களை வெண்மையாக்கும் அறுவை சிகிச்சைகள் செய்ய வேண்டிய அவசியமில்லை, முத்து போன்ற வெண்மையான பற்களைப் பெற உதவும் சில இயற்கை வைத்தியங்களை பார்க்கலாம்.

உப்பு ஸ்க்ரப்

இயல்பாகவே பற்பசையில் உப்பு இருக்கும். இது லேசான ஆண்டிசெப்டிக் பண்புகளைக் கொண்டுள்ளதால், இது வாய்வழி சுகாதாரத்தை பராமரிப்பதில் முக்கிய பங்களிக்கும். மேலும் உப்பு ஒரு சிராய்ப்பு பொருளாக விளங்குவதால், பற்களின் மேற்பரப்பில் இருக்கும் கறைகளை அகற்றி வெண்மையான தோற்றத்தை பெற உதவுகிறது.

இருப்பினும், சரியான வகை உப்பை பயன்படுத்துவது மிக அவசியம். நன்றாக அரைத்த கடல் உப்பு அல்லது டேபிள் உப்பை தேர்வு செய்யவும். கரடுமுரடான அல்லது அதிக சிராய்ப்பு உப்புகளை பயன்படுத்துவதைத் தவிர்க்கவும், ஏனெனில் அவை உங்கள் பற்கள் மற்றும் ஈறுகளை மிகவும் கடுமையாக பாதிக்கும்.

கூடுதல் பலன்களைப் பெற, பிரஷை ஈரப்படுத்தி, அதில் சிறிதளவு உப்பைப் பயன்படுத்துங்கள். இந்த முறைக்கு உங்களுக்கு ஒரு சிட்டிகை உப்பு மட்டுமே தேவைப்படும். சுமார் 1-2 நிமிடங்கள் உப்புடன் உங்கள் பற்களை மெதுவாக துலக்கவும். வேகமாக துலக்குவது பல், பற்சிப்பி மற்றும் ஈறுகளை சேதப்படுத்தும் என்பதால், மிகவும் கடினமாக ஸ்க்ரப் செய்யாமல் கவனமாக இருங்கள். துலக்கிய பிறகு, எஞ்சியிருக்கும் துகள்களை அகற்ற, நன்கு வாய் கொப்பளிக்க வேண்டும்.

தேங்காய் எண்ணெய்

பற்களை வெண்மையாக்க வீட்டு வைத்தியம் நல்ல பலனைத் தருவதாக பலர் கூறுகிறார்கள். ஒவ்வொரு நாளும் சரியாக இந்த முறைகளை பின்பற்றினால், நல்ல மாற்றங்களை காண முடியும். சுத்தமான தேங்காய் எண்ணெய் அல்லது சுத்தமான சமையல் தேங்காய் எண்ணெயை மட்டுமே பயன்படுத்த வேண்டியது அவசியம்.

• ஒரு டீஸ்பூன் எண்ணெயை வாயில் ஊற்றி வாயைச் சுற்றி 15-20 நிமிடங்கள் கொப்பளிக்கவும்.

• சிறிது நேரம் கழித்து அதை துப்பி விட்டு, வாய் கொப்பளித்துக் கொள்ளவும். இந்த முறை பிளேக்கை அகற்ற உதவுகிறது. எண்ணையை வாயில் சுத்தும்போது அனைத்து பாக்டீரியாக்களும் எண்ணெயில் குவிந்து, துப்பும்போது அகற்றப்படும். மேலும், தேங்காய் எண்ணெயில் நுண்ணுயிர் எதிர்ப்பு பண்புகள் இருப்பதாக நம்பப்படுவதால், பல் சிதைவிலிருந்து பற்களைப் பாதுகாத்து பாக்டீரியா வளர்ச்சியைத் தடுக்கவும் இது உதவுகிறது.

ஆப்பிள் சைடர் வினிகர்

மவுத்வாஷ் வாய்வழி சுகாதாரத்தை மேம்படுத்தவும், பற்களை வெண்மையாக்க உதவுவதற்கும் ஆப்பிள் சைடர் வினிகரை இயற்கையான மவுத்வாஷாகப் பயன்படுத்தலாம். இதைப் பயன்படுத்த, ஆப்பிள் சைடர் வினிகரை தண்ணீரில் சேர்த்து கலவையை உருவாக்கவும், இந்த கலவையை உங்கள் வாயில் சுமார் 30 வினாடிகள் ஊறவைத்து, தண்ணீரில் வாய் கொப்பளிக்கவும். இது லேசான அமிலத்தன்மை கொண்டது, இது காபி, தேநீர், சிவப்பு ஒயின் அல்லது வேறு சில உணவுகளால் பற்களின் மேற்பரப்பில் உள்ள கறைகளை நீக்க உதவும்.

இது சில பாக்டீரியா எதிர்ப்பு பண்புகளையும் கொண்டுள்ளதால், இது வாயில் பாக்டீரியாக்களின் வளர்ச்சியைக் குறைக்கிறது, இதனால் மேலும் பல் சிதைவைத் தடுக்கிறது மற்றும் நல்ல வாய் ஆரோக்கியத்தை தருகிறது. ஆனால், வினிகரின் அமிலத்தன்மை அதிகமாகப் பயன்படுத்தினால் பல் பற்சிப்பியை அரித்துவிடும் என்பதால், வாய்வழி பராமரிப்புக்காக அதைப் பயன்படுத்தும்போது எச்சரிக்கையாக இருப்பது அவசியம். தினமும் வாய் கொப்பளித்த பின் பயன்படுத்த வேண்டாம்.

ஆக்டிவேட்டட் கரித்தூள்

இந்த முறை பற்களை வெண்மையாக்கும் பிரபலமான தீர்வாக மாறி வருகிறது. இதைப் பயன்படுத்த, இந்த பொடியை சிறிதளவு தண்ணீரில் கலந்து பேஸ்ட் போல் உருவாக்கி பல் துலக்க வேண்டும். ஆக்ட்டிவேட்டட் கரித்தூள் நுண்துளைகளை கொண்டிருப்பதால், அது பொருட்களை ஈர்க்கும் மற்றும் பிணைக்கும் பண்புகளை கொண்டிருக்கும். இது பற்களின் மேற்பரப்பில் பிணைக்கப்படுவதால், உங்கள் பற்களின் மேற்பரப்பில் இருந்து அவற்றை நீக்குகிறது. இது கறை மற்றும் நிறமாற்றங்களை நீக்கி, உங்கள் பற்களை வெண்மையாகக் காட்ட உதவுகிறது. இருப்பினும், இதை அடிக்கடி பயன்படுத்தக்கூடாது. அதிகப்படியான பயன்பாடு பல், பற்சிப்பிக்கு சேதம் விளைவிக்கும்.

பேக்கிங் சோடா

பேக்கிங் சோடா பேஸ்ட்டைப் பயன்படுத்தி வீட்டிலேயே வெள்ளை பற்களை பெற முடியும். பேஸ்ட்டை உருவாக்க, பேக்கிங் சோடா பவுடர் எடுத்து தண்ணீரில் கலக்கவும். பின் ஒரு சுத்தமான துணி, பருத்தி பஞ்சு அல்லது பிரஷை எடுத்து, அதன் மீது பேஸ்டை தடவி, பற்கள் முழுவதும் மெதுவாக தேய்க்கவும். சுமார் 1-2 நிமிடங்கள் தேய்த்த பின் நன்கு வாய் கொப்பளித்து கொள்ளவும். பேக்கிங் சோடா சிறிது சிராய்ப்பு தன்மை கொண்டது, இது உணவு, பானங்கள் மற்றும் புகையிலை ஆகியவற்றால் ஏற்படும் மேற்பரப்பு கறைகளை பல், பற்சிப்பியிலிருந்து அகற்றுகிறது. இது தவிர, இது இயற்கையாகவே கார வகையை சார்ந்தது, இது உங்கள் வாயில் உள்ள pH அளவை சமநிலைப்படுத்த உதவுகிறது. அதிக கார சூழல் பாக்டீரியாவின் வளர்ச்சியைத் தடுக்கவும் பல் சிதைவு அபாயத்தைக் குறைக்கவும் உதவுகிறது. வாரத்திற்கு ஒரு முறை இந்த முறையை பயன்படுத்தினால் நல்ல மாற்றத்தை பெறலாம்.

Share on Facebook

Tweet