வார இறுதி நாட்கள் வந்துவிட்டால் பிக் பாஸ் வீட்டில் இருக்கும் போட்டியாளர்கள் மட்டும் அல்ல நிகழ்ச்சியை பார்ப்பவர்களும் குஷியாகிவிடுவார்கள். அதற்கு காரணம் உலக நாயகன் கமல்ஹாசன். இந்த வாரம் கமல் என்ன சொல்லப் போகிறாரோ, யாரை வெளுத்துவிடப் போகிறாரோ, என்ன பன்ச் விடப் போகிறாரோ, என்ன உடை அணிந்து வருகிறாரோ என்பதை பார்க்கவே அனைவரும் வார இறுதி நாட்களை எதிர்பார்க்கிறார்கள்.
பிக் பாஸ் 7 வீட்டில் இருந்து தலைவன் சரவண விக்ரமை அனுப்பியாகிவிட்டது. ஆனால் அதை சொல்லாமல் ப்ரொமோ வீடியோக்களில் விக்ரமை காட்டிக் கொண்டிருக்கிறார்கள்.
இப்படி ஏமாத்தி ஏமாத்தி விளையாடுவதில் பிக் பாஸுக்கு அப்படியொரு சந்தோஷம். முதல் ப்ரொமோ வீடியோவில், பிக் பாஸ் வீட்டில் இருந்து செல்ல விருப்பம் இல்லை என கமலிடம் கூறினார் விக்ரம்.
இந்நிலையில் வெளியாகியுள்ள இரண்டாவது ப்ரொமோ வீடியோவில் தன் ஆசையை வெளிப்படுத்தியுள்ளார். விக்ரமின் ஆசைகள் எப்பொழுதுமே சிறிதாக இருந்தது இல்லை. கமலை விட பெரிய ஆளாக வேண்டும் என ஆசைப்படுவதாக ஆண்டவரிடமே கூறியிருக்கிறார் விக்ரம்.
இந்த வாரம் நாமினேட் செய்யப்பட்ட ரவீணா, விசித்ரா, விக்ரமிடம் உங்களின் கோல் என்னவென்று கேட்டார் கமல் ஹாசன். வித்தியாசம், வித்தியாசமான வேடங்கள் போட்டுக்கணும் என்பது ஆசை சார் என்றார் ரவீணா.
அதை கேட்ட கமலோ, உங்களை தயார் செய்து கொள்ளுங்கள். இப்படி நின்னுக்கிட்டு, அப்படி நின்னுக்கிட்டு போட்டோஷூட் செய்தால் போதாது என செய்து காட்ட அதை பார்த்து ஹவுஸ்மேட்ஸும், ஆடியன்ஸும் சிரித்துவிட்டார்கள்.
மனசுக்கு திருப்தியான கதாபாத்திரத்தை நான் இதுவரை பண்ணது இல்லை சார் என கூறினார் விசித்ரா. அதை கேட்ட கமலோ, 20 வருஷத்துக்கு முன்னாடி நீங்க இது மாதிரி ஒரு ஷோவில் வந்திருக்கவே முடியாது என்றார். ஆமாம் சார் என விசித்ரா சொல்ல, உங்களுக்கான வாய்ப்புகளை நீங்கள் தான் உருவாக்க வேண்டும் என புத்திமதி கூறினார் கமல்.
விக்ரம் எப்பொழுதுமே ஒரிஜினல் பீஸ். சொன்னால் ரொம்ப இதுவா இருக்கும் சார். உங்களை விட தாண்டனும்னு எனக்கு ஒரு இது இருக்கு சார் என விக்ரம் சொன்னதை கேட்டு அரங்கமே அதிர்ந்தது. கமலோ, நீங்க சொல்லலைனா வேறு யாரு சொல்வாங்க என கூலாக கேட்டார். அதை கேட்டு விக்ரம் சிரித்தார்.
கமல் ஹாசனை விட பெரிய ஆளாகணும் என ஆசைப்படுவது தப்பில்லை. ஆனால் அதை கமலிடமே கூற தனி தைரியம் வேண்டும். கேமராக்கள் முன்பு நின்று பேசி எடுத்த பயிற்சி கொடுத்த தைரியத்தில் கமலிடம் அப்படி சொல்லிவிட்டார் போன்று.
நல்ல பையனாக பிக் பாஸ் வீட்டிற்கு வந்தார். தற்போது நல்ல பையனாகவே கிளம்பியிருக்கிறார். இதுவே பெரிய விஷயம். அந்த வீட்டில் 83 நாட்கள் தங்கியிருந்தும் விக்ரமின் நல்ல குணம் மாறவில்லை. அவரால் பெரிதாக கன்டன்ட் கொடுக்க முடியவில்லை.
அப்படி இருந்தும் அவர் இத்தனை நாட்களாக அந்த வீட்டில் தங்கியது பெரிய விஷயம் தான். மீம்ஸ் கிரியேட்டர்கள் தான் கொஞ்சம் ஃபீல் பண்ணுவார்கள். அவர்களுக்கு தினமும் கன்டன்ட் கொடுத்து வந்தவர் விக்ரம் தான் என்கிறார்கள் பிக் பாஸ் பார்வையாளர்கள்.
விக்ரம் வெளியேற்றப்பட்டதில் பார்வையாளர்களுக்கு வருத்தம் இருந்தாலும், அவர் கை நிறைய சம்பாதித்துவிட்டு தான் கிளம்பியிருக்கிறார் என்பதால் லேசாக நிம்மதி அடைந்துள்ளனர்.
What’s your Reaction?
+1
+1
+1
+1
+1
+1
+1
