அசைவ உணவில் மிகவும் எளிதாக செய்யக்கூடிய ரெசிபியில் ஒன்று முட்டை. குழந்தைகள் முதல் பெரியவர்கள் வரை அனைவரும் விரும்பி இதை சாப்பிடுவார்கள். மேலும் இது புரதம் நிறைந்த உணவாகும்.
எனவே அனைவரும் விரும்பி சாப்பிடும் வகையில் செட்டிநாடு ஸ்டைலில் முட்டை கிரேவி வீட்டிலேயே சுவையாக எப்படி செய்யலாம் என்று இந்த பதிவில் பார்க்கலாம்.
தேவையான பொருட்கள் :
-
முட்டை – 3
-
பெரிய வெங்காயம் – 1
-
உப்பு – சுவைக்கேற்ப
அரைக்க தேவையானவை :
-
துருவிய தேங்காய் – 2 டேபிள் ஸ்பூன்
-
தக்காளி – 2
-
பூண்டு – 3 பல்
-
மஞ்சள் தூள் – 1/4 டீஸ்பூன்
-
சிவப்பு மிளகாய் தூள் – 1 டீஸ்பூன்
-
கொத்தமல்லி தூள் – 3 டீஸ்பூன்
-
கருப்பு மிளகு – 1/2 டீஸ்பூன்
-
பெருஞ்சீரகம் – 1 டீஸ்பூன்
-
தாளிக்க தேவையானவை :
-
எண்ணெய் – 2 டேபிள் ஸ்பூன்
-
இலவங்கப்பட்டை – 1
-
பெருஞ்சீரகம் – 1 டீஸ்பூன்
-
கறிவேப்பிலை – சிறிதளவு
செய்முறை விளக்கம் :
-
முதலில் முட்டையை வேகவைத்து அதன் ஓட்டை நீக்கி கொள்ளுங்கள்.
-
பின்னர் முட்டைகளை மெதுவாக நாலாபக்கமும் கீறி தனியே வைக்கவும்.
-
பிறகு ஒரு மிக்ஸி ஜாரில் துருவிய தேங்காய், தக்காளி, கருப்பு மிளகு, பூண்டு, பெருஞ்சீரகம், மஞ்சள் தூள், சிவப்பு மிளகாய் தூள் மற்றும் கொத்தமல்லி தூள் ஆகியவற்றை சேர்த்து மென்மையான பேஸ்டாக அரைத்து எடுத்துக்கொள்ளுங்கள்.
-
அடுத்து அடுப்பில் கடாய் ஒன்றை வைத்து எண்ணெய் ஊற்றி சூடானதும் இலவங்கப்பட்டை, பெருஞ்சீரகம் மற்றும் கறிவேப்பிலை வறுத்துக்கொள்ளுங்கள்.
-
பின்னர் அதில் பொடியாக நறுக்கிய பெரிய வெங்காயம் மற்றும் தேவையான அளவு உப்பு சேர்த்து ஓரிரு நிமிடங்களுக்கு வதக்கவும்.
-
வெங்காயம் கண்ணாடி பதத்திற்கு வதங்கியவுடன் அரைத்து வைத்துள்ள மசாலா பேஸ்ட்டை சேர்த்து நன்கு கிளறவும்.
-
பிறகு அதனுடன் தேவையான அளவு தண்ணீர் ஊற்றி மிதமான தீயில் கொதிக்க விடவும்.பின்னர் அதில் அவித்த முட்டைகளைச் சேர்த்து குறைந்த தீயில் 5 நிமிடங்களுக்கு சமைக்கவும்.
வீட்டுக் குறிப்பு:
-
கொள்ளு, காராமணி வேக வைத்த நீரை கீழே கொட்டாமல் சூப் செய்ய பயன்படுத்தலாம். சத்தாக இருக்கும்.
-
வீட்டில் டீ தயாரிக்க நீரை கொதிக்க விடும்போது ஒரே ஒரு புதினா இலையும் போட்டு கொதிக்க விட்டு பாருங்கள். டீயின் மனமும் ருசியும் அபாரமாக இருக்கும்.
-
ரசம் தயாரிக்கும் போது சுண்டக்காய் அளவு இஞ்சி சேருங்கள், சூப்பராக ரசம் இருக்கும்.
What’s your Reaction?
+1
+1
+1
+1
+1
+1
+1
