எச்சரிக்கை பெண்களே! கோடையில் சிறுநீர் பாதை தொற்றுக்கு இதுதான் காரணம்!

சிறுநீர் மண்டலத்தில் சிறுநீரகம்,  சிறுநீர்ப்பை, யுரித்ரா என எந்த இடத்தில் வேண்டுமானாலும் தொற்று ஏற்படலாம். பாக்டீரியா, சிறுநீர் பாதை வழியாக உள்ளே செல்கிறது. இது சிறுநீர் கழிக்கும்போது எரிச்சலை ஏற்படுத்துகிறது.

கோடையில் சிறுநீர் பாதை தொற்றை அதிகரிக்கும் காரணங்கள் என்னவென்று தெரிந்துகொள்ளுங்கள்.

நீர்ச்சத்து குறைபாடு

கோடையில், வெப்பம் அதிகரிக்கும், இதனால் உடல் நீர்ச்சத்தை இழக்கும். அது கோடையில் உங்களுக்கு சிறுநீர் பாதை தொற்று ஏற்படுவதற்கான காரணம் ஆகலாம். குறைவான அளவு தண்ணீர் பருகி, சிறுநீர் குறைந்தால், பாக்டீரியாக்கள் உருவாகும். எனவே ஒரு நாளைக்கு 6 முதல் 8 டம்ளர் தண்ணீர் பருகவேண்டும். தண்ணீர் உங்கள் உடலில் இருந்து நச்சுக்களை வெளியேற்றும்.

சிறுநீரை கட்டுப்படுத்துவது

நீண்ட நேரம் சிறுநீரை கட்டுப்படுத்துவது, பாக்டீரியாக்கள் பல்கி பெருகுவதற்கு காரணமாகிறது. இது சிறுநீர் பாதை தொற்றுக்கு முக்கிய காரணியாக உள்ளது. எனவே கோடை காலத்தில் நாள் முழுவதும் தண்ணீர் பருகவேண்டும். 6 மணி நேரத்திற்கு மேல் சிறுநீர் கழிக்காமல் இருக்கக்கூடாது.

இறுக்கமான ஆடைகள்

தளர்வான ஆடைகளை மட்டுமே உடுத்தவேண்டும். உடலை இறுக்கிப்பிடிக்கும் உடைகளை அணியக்கூடாது. குறிப்பாக கோடை காலத்தில் ஆடை விஷயத்தில் கட்டுப்பாட்டுடன் இருக்கவேண்டும்.

இறுக்கமான உள்ளாடைகள், பேன்ட்கள், உடற்பயிற்சி ஆடைகள் என அனைத்தும் உங்கள் பிறப்புறுப்புக்கு காற்றோட்டத்தைக் கொடுக்காது. அது பாக்டீரியாக்கை பிடித்து வைத்துக்கொள்ளும்.

கர்ப்ப காலம்

கர்ப்ப காலத்தில் சிறுநீர் பாதையில் தொற்று ஏற்படுவது பொதுவான ஒன்று. கருப்பையில் வளரும் கரு, சிறுநீர்ப்பைக்கு அழுத்தம் கொடுக்கலாம்.

கர்ப்ப காலம் மற்றும் குழந்தை பிறந்த பின்னரும் பெண்களுக்கு சிறுநீர் பாதை தொற்று ஏற்படும். எனவே கர்ப்பிணிகள் இதுகுறித்து மருத்துவரிடம் தெரிவிக்கவேண்டும். அப்போதுதான் சரியான சிகிச்சையை அவர்கள் வழங்க முடியும்.

தேன்நிலவு நீர்க்கட்டி வீக்கம்

முதன் முதலானக உடலுறவு வைத்துக்கொள்ளும்போது, சில பெண்களுக்கு சிறுநீர் பாதையில் தொற்று ஏற்படலாம். இதுவும் பொதுவான ஒன்றுதான்.

எனவே முதன்முதலில் உடலுறவு முடிந்த பின்னர், சிறுநீர் கழித்துவிட்டு, அதிகளவு தண்ணீரை பருகுங்கள். அது தொற்றுக்களை வெளியேற்றும் திறன் கொண்டது. இல்லாவிட்டால் உங்கள் மருத்துவரை அணுகி, ஆன்டிபயோடிக்குகள் எடுத்துக்கொள்ளுங்கள்.

மெனோபாஸ்

பெண்களின் பிறப்புறுப்பின் சருமம், மெனோபாஸ் காலத்தில் போதிய அளவு ஈஸ்ட்ரோஜென் கிடைக்காமல், மிகவும் கடினமாக இருக்கும். பெண்களின் யுரித்ரா, பிறப்புறுப்புக்கு மிக அருகில் இருக்கும். இதனால் அவர்களுக்கு சிறுநீர் பாதை தொற்று ஏற்படுகிறது.

இதன் மூலம் தொற்றுக்கு காரணமான பாக்டீரியா கண்டுபிடிக்கப்பட்டு, அதற்கு தேவையான மருந்து வழங்கப்படும். தொடர்ந்து சோனோகிரஃபி செய்து சிறுநீரகம் மற்றும் சிறுநீர்ப்பையில் பின்விளைவுகள் ஏதேனும் உள்ளதா என்று பார்த்துக்கொள்ள வேண்டும்.