விஜயகாந்த் பட ரீமேக்கில் நடித்த ரஜினி, கமல்

80களில் தமிழ் சினிமாவின் உச்ச நடிகர்களாக இருந்த ரஜினி, கமல், விஜயகாந்த் உள்ளிட்டோர் தங்களுக்கென்று தனி ரசிகர் கூட்டத்தை உருவாக்கி வைத்திருந்தனர். இதனால் இவர்களது படங்கள் அனைத்தையும் அவர்களுடைய ரசிகர்கள் திரையரங்கில் திருவிழா போல் கொண்டாடுவார்கள்.

கமலும், ரஜினியும் கோலோச்சிய காலத்தில், அறிமுகமான பலர் காணாமல் போயினர். கறுப்பு தேகத்துடனும், சிவப்பு கண்களுடனும், வெள்ளித்திரையில், தனக்கான அங்கீரகாரத்தை தேடிக்கொண்டிருந்தார் விஜயகாந்த்.முதல் ஓரிரு படங்களில், அவருக்கு வெற்றி கிட்டவில்லை. இந்த நிலையில் 1981 ஆம் ஆண்டு எஸ்ஏ சந்திரசேகர் இயக்கத்தில் விஜயகாந்த் நடித்து வெளிவந்த சட்டம் ஒரு இருட்டறை தான், விஜயகாந்த் எனும் நடிகனை..பட்டி தொட்டி எங்கும் பிரபலமாக்கியது. ஆண்டுக்கு, 17 படங்கள் நடிக்கும் அளவிற்கு, மளமளவென படங்கள்  குவிந்தன.

 இந்த படத்தின் இந்தி ரீமேக்கில் ரஜினிகாந்த் அறிமுகமாகி நடித்திருந்தார்.சூப்பர் ஸ்டார் ரஜினிகாந்த் மட்டுமல்ல அதே சட்டம் ஒரு இருட்டறை படத்தை மலையாளத்தில் ரீமேக் செய்யும் போது அதில் உலக நாயகன் கமலஹாசன் நடித்திருந்தார். எஸ்ஏ சந்திரசேகர் இயக்கிய இந்த படம் அனைத்து மொழிகளிலும் அந்த நேரத்தில் வெளியாகி சக்கை போடு போட்டது.

இந்த படத்தின் கதாநாயகனுக்கு, ‘விஜய்’ என்ற, தன் மகனின் பெயரைச் சூட்டி மகிழ்ந்தார் எஸ்ஏ சந்திரசேகர். அந்த அளவிற்கு சட்டம் ஒரு இருட்டறை திரைப்படம் எஸ்ஏசி-க்கு மறக்க முடியாத படமாக அமைந்தது.

தமிழில் இந்தப் படத்தை பார்த்த பிறகு உலக நாயகன் மற்றும் சூப்பர் ஸ்டார் இருவரும் நடிக்க முடியாமல் போனதே என கலங்கினார்களாம். அதனால் தான் எஸ்ஏசி அவர்களை வைத்து ஹிந்தி மற்றும் மலையாளங்களில் ரீமிக்ஸ் செய்து வசூலிலும் மாஸ் காட்டினார்

இவ்வாறு தமிழில் கேப்டன் விஜயகாந்த் நடித்த சட்டம் ஒரு இருட்டறை படத்தை தான் ரஜினி, கமல் இருவரும் பிற மொழிகளில் நடித்து பாக்ஸ் ஆபிஸில் கல்லா கட்டி இருக்கின்றனர் என்ற விஷயத்தை வைத்து கேப்டன் ரசிகர்கள் 20 வருடங்களுக்குப் பிறகு, இப்போது சோசியல் மீடியாவில் கெத்து காட்டிக் கொண்டிருக்கின்றனர்.