ஜவுளி வியாபாரத்தில் ஜாம்பவான்: 18 கிளைகள்… போத்தீஸ் வெற்றிப் பயணம்!

ஒரு நாளைக்கு 50 ரூபாய், 100 ரூபாய் லாபத்தை எதிர்பார்த்து ஶ்ரீவில்லிபுத்தூரில் தொடங்கப்பட்ட அந்தத் துணிக்கடை, அடுத்தடுத்த தலைமுறைகளில் திருநெல்வேலி, சென்னை, பெங்களூரு, புதுச்சேரி உட்பட 18 கிளைகள் வரை விரிந்துள்ளது. போத்தீஸ் பெரியதொரு நிறுவனமாக உருமாறுகிறது. 96 ஆண்டுக் கால வரலாற்று பின்னணியுடன் தற்போது நான்காம் தலைமுறையைக் கண்டுள்ள போத்தீஸ் நிறுவனத்திலிருந்து அதன் வெற்றிப் பயணம் குறித்த தகவல்களைப் பகிர்கிறார்கள் போத்தீஸ் நிறுவனத்தின் நிர்வாக இயக்குநர் ரமேஷின் மகன் வருண் மற்றும் மகள் பிரியதர்ஷினி. இவர்கள் இருவரும் இந்த நிறுவனத்தில் இயக்குநர்களாக உள்ளனர்.

“நான்கு தலைமுறை என்று சொன்னாலும், நிறுவனத்தின் மூன்றாம் தலைமுறையான எங்க அப்பா மற்றும் அவர்களின் சகோதரர்கள் எடுத்த முயற்சிதான் நிறுவனத்தை அடுத்தகட்டத்துக்கு நகர்த்தியது என்று சொல்லலாம். அதுவரை வில்லிபுத்தூரில் சிறிய அளவில் இருந்த எங்களுடைய கடையை மிகப்பெரிய பிராண்டாக மாற்ற வேண்டும் என்பது பெரியப்பாவின் கனவு. அதை நோக்கியே அப்பா இயங்க ஆரம்பித்தார். வில்லிபுத்தூரில் இருந்த கடையில் நிறைய மாற்றங்களைக் கொண்டு வந்தார். தரமும் வெரைட்டியும் சிறப்பாக இருக்கும் என்ற எண்ணத்தை மக்கள் மனதில் பதிய வைத்தார். அந்த நம்பிக்கையில் 1986-ல் திருநெல்வேலியில் எங்களுடைய அடுத்த கிளை யைத் தொடங்கினோம். அது எங்களுடைய மிகப்பெரிய ஆரம்பம் என்று சொல்லலாம்.

எல்லா வகையான துணி வகைகளையும் ஒரே இடத்தில் கிடைக்கச் செய்தது தொடங்கி, பிரமாண்டம் என்பதை மக்கள் மனதில் பதிய வைத்தது வரை அந்தக் கடைக்கு அப்பா கையாண்ட விளம்பர யுக்தி, துணியின் தரம், வெரைட்டி எல்லாம் மக்களோட பெரிய ஆதரவை எங்கள் நிறுவனத்துக்குக் கிடைக்கச் செய்தது. அப்பா நினைத்திருந்தால் அந்தக் கடையை அதே ஊரில் வேறு மாதிரி டெவலப் செய்வதில் மட்டும் கவனம் செலுத்தியிருக்கலாம். ஆனால், அடுத்தடுத்த ஊரில் கிளைகள் தொடங்க வேண்டும் என்ற திட்டத்தை தன் சகோதரர்களுடன் சேர்ந்து முடிவெடுத்தார். அந்த இலக்குதான் சென்னை, பெங்களூரு, பாண்டிச்சேரி என இன்று 18 கிளைகள் கொண்ட நிறுவன மாக வளர காரணமாக இருந்தது.

திருநெல்வேலி கடை திறந்த போது எனக்கு சிறு வயது. விடுமுறை நாள்களில் நாங்கள் கடைகளுக்குத்தான் செல்வோம். அப்பா எடுக்கும் அதிரடி முடிவு களைப் பார்த்து வளர்ந்த எங்களுக்கு பிசினஸ், வியாபாரம் பற்றியெல்லாம் சிறுவயதிலேயே விளங்க ஆரம்பித்துவிட்டது. இன்று இயக்குநராக இருந்தாலும் சிறுவயதிலிருந்து இந்த நிறுவனத் தைப் பார்க்கிறேன். எத்தனையோ ஏற்ற இறக்கங்கள் இருந்திருக்கிறது. ஆனால், எந்த சூழ்நிலையிலும் அப்பா தான் எடுத்த முயற்சி யிலிருந்து பின்வாங்கியதே இல்லை.

வியாபார விஷயத்தில் முயற்சி செய்யாமல் ‘நோ’ சொல்லக் கூடாது என்பது நாங்கள் அப்பா விடமிருந்து கத்துக்கிட்ட மிகப்பெரிய விஷயம். அதற்கு ஆரம்பப்புள்ளி எங்களுடைய தாத்தா சடையாண்டி. அப்பா 100 சதவிகிதம் ஃபோகஸுடன் உழைக்கும் நபர் எனில் தாத்தா 200 சதவிகிதம் உழைக்கும் நபர். அவருக்கு இப்போது வயது 84. ஆனால், இப்போதும் வியாபாரம் குறித்த சிந்தனையுடன்தான் இருப்பார். வாரத்துக்கு நான்கு நாள்கள் கடைகளுக்குச் சென்று கடையை மேற்பார்வை செய்வது, வாடிக்கையாளர் களுடன் உரையாடுவது என்று இன்னும் நிறுவனத்தின் வளர்ச் சிக்கு உழைக்கிறார்” என்று வருண் முடிக்க அவரின் சகோ தரி பிரியதர்ஷினி தொடர்கிறார்.

“என்னுடைய சகோதரி திவ்யா புதிதாகத் தொடங்கப் பட்டுள்ள நகைக்கடை பணி களை மேற்பார்வை செய்கிறார். நான் போத்தீஸ் நிறுவனத்தின் நிர்வாகம் சார்ந்த பணிகளில் இயங்குகிறேன். சிறுவயதிலிருந்து நான் பிசினஸைப் பார்த்து வளர்ந் தவள். எங்கள் நிறுவனம் வித்தியாச மான விளம்பர யுக்திகளைக் கையாள வேண்டும் என்பதில் அப்பா எப்போதும் கவனமாக இருப்பார். ஒரு விளம்பரம் என்பது எங்களைப் பொறுத்தவரை கிட்டத்தட்ட ஒரு சினிமா போன்று தான். அதற்காக நாங்கள் செய்யும் செலவை ஒரு முதலீடாகத்தான் பார்க்கிறோம். எனக்கு இது புதுத் துறை என்றாலும், எங்களுடைய முந்தைய தலைமுறையினரின் வழிகாட்டுதல்கள் இருக்கின்றன.

எப்போதும் மார்க்கெட்டிங் சார்ந்து நிறைய புதுப்புது முயற்சிகள் செய்துகொண்டே இருக்கிறோம். வாடிக்கையாளர்களைத் தக்க வைக்க புதுப்புது வெரைட்டிகள், டிரெண்டுகளை எங்கள் குழு ஃபாலோ செய்துகொண்டே இருக்கிறது. நூற்றுக்கணக்கான உற்பத்தியாளர்களுடன் நேரடித் தொடர்பில் இருக்கிறோம். ஒரு ஆடையின் நிறத்தைத் தேர்வு செய்வது தொடங்கி, அந்த ஆடை வாடிக்கையாளர்களிடம் சென்ற டைவது வரை எல்லாவற்றையும் மிக நுணுக்கமாகக் கவனிக்கிறோம். எங்களுடைய கஸ்டமர் கேர் எங்களுடைய கூடுதல் பலம்” என்று அவர் முடிக்க, போத்தீஸ் கண்டுள்ள வளர்ச்சிகள் பற்றி வருண் பேச ஆரம்பித்தார்.

Share on Facebook

Tweet