சந்திரன் மகரம் ராசியில் சஞ்சரிக்கிறார். இன்று பிற்பகல் 02.09 வரை நவமி. பின்னர் தசமி. இன்று மாலை 05.49 வரை உத்திராடம். பின்னர் திருவோணம். ரோகிணி மிருகசீரிடம் நட்சத்திரத்தில் பிறந்தவர்களுக்கு சந்திராஷ்டமம். சற்று கவனமுடனும் எச்சரிக்கையுடனும் நடந்துகொள்வது அவசியம். மேஷம் முதல் மீனம் வரையுள்ள 12 ராசிக்காரர்களுக்கும் பலன்கள் எப்படி இருக்கிறது என்று பார்க்கலாம்.
மேஷ ராசி அன்பர்களே!
எதிர்ப்புகளை தாண்டி தொழிலில் வெற்றி பெறுவீர்கள். வியாபாரத்தை நண்பர்கள் மூலமாக விருத்தி செய்வீர்கள். கழுத்து வலியால் துன்பப்பட்ட தகப்பனாருக்கு மருத்துவம் பார்ப்பீர்கள். தாயார் கேட்ட பொருளை வாங்கி கொடுத்து மகிழ்ச்சிப் படுத்துவீர்கள். வெளியூர் பயணங்களில் தொழிலுக்கு தேவையான ஆர்டர்களை கணிசமாக பெறுவீர்கள்.இன்று சிவபெருமானை வழிபடலாம்.
அசுவினி நட்சத்திரத்தில் பிறந்தவர்களுக்கு தாய்மாமன் வழியில் ஆதாயம் உண்டாகும்.
பரணி நட்சத்திரத்தில் பிறந்தவர்களின் முயற்சிக்கு வாழ்க்கைத்துணையின் ஒத்துழைப்பு கிடைக்கும்.
கிருத்திகை நட்சத்திரத்தில் பிறந்தவர்கள் உடல்நலனில் கவனமாக இருக்கவும்.
ரிஷப ராசி அன்பர்களே!
அலட்சியமாக பயணம் மேற்கொண்டால் கைப் பொருளை இழப்பீர்கள். வியாபாரம் சுணக்கமாக நடப்பதால் மனக்கவலைப்படுவீர்கள். உரிய காலத்தில் கடனை அடைக்க முடியாமல் தடுமாறுவீர்கள். புரிந்து கொள்ளாமல் பேசும் காதலியின் நடவடிக்கையால் மனம் புண்படுவீர்கள். அடிக்கடி தொந்தரவு தரும் சைனஸ் பிரச்சனைக்கு மருத்துவம் பார்ப்பீர்கள்.இன்று முருகப்பெருமான் வழிபாடு செய்யவும்.
கிருத்திகை நட்சத்திரத்தில் பிறந்தவர்களுக்கு எதிர்பார்த்த சுபச்செய்தி கிடைக்கக்கூடும்.
ரோகிணி நட்சத்திரத்தில் பிறந்தவர்களுக்கு அதிகாரிகளால் ஆதாயம் கிடைப்பதற்கான வாய்ப்பு உள்ளது.
மிருகசீரிடம் நட்சத்திரத்தில் பிறந்தவர்களுக்கு சகோதரர்களால் சங்கடங்கள் ஏற்படக்கூடும்.
மிதுன ராசி அன்பர்களே!
இருசக்கர வாகனத்தில் இரவு நேர பயணங்களை மேற்கொள்ளாதீர்கள். வியாபாரம் சம்பந்தமாக முடிவு எடுக்க முடியாமல் தடுமாறுவீர்கள். நெருக்கமாக இருந்த நண்பரே போட்டியாக வருவதால் மன வேதனைப்படுவீர்கள். தாய் மாமன் சீர் செய்ய கடன் வாங்குவீர்கள். அடுத்தவர் விஷயத்தில் தலையிட்டால் அவமானத்தை சுமப்பீர்கள். வாகனத்தில் பழுது ஏற்பட்டு சிரமப்படுவீர்கள்.விநாயகரை வழிபடுவது நலம் சேர்க்கும்.
மிருகசீரிடம் நட்சத்திரத்தில் பிறந்தவர்களுக்கு அதிர்ஷ்ட வாய்ப்புகள் ஏற்படும்.
திருவாதிரை நட்சத்திரத்தில் பிறந்தவர்களுக்கு எதிர்பாராத பணவரவு உண்டு.
புனர்பூசம் நட்சத்திரத்தில் பிறந்தவர்கள் கடன்கள் விஷயத்தில் கவனமாக இருப்பது அவசியம்.
கடக ராசி அன்பர்களே!
எண்ணிய காரியங்களை எளிதில் நிறைவேற்றுவீர்கள். மங்கல நிகழ்ச்சியால் வீட்டை கலகலப்பாக மாற்றுவீர்கள். வயதான பெற்றோர்களால் வாயாரப் பாராட்டப்படுவீர்கள். பிள்ளைகளின் நடத்தையால் மனம் குளிர்ந்து போவீர்கள். வியாபாரப் பிரச்சனைகளை சுலபமாக முடிப்பீர்கள். நண்பர்களின் ஆதரவால் அலைச்சலை குறைப்பீர்கள்.முருகப்பெருமானை வழிபடுவது நலம் தரும்.
புனர்பூசம் நட்சத்திரத்தில் பிறந்தவர்கள் முக்கிய முடிவுகள் எதையும் எடுக்கவேண்டாம்.
பூசம் நட்சத்திரத்தில் பிறந்தவர்களுக்கு உறவினர்கள் வகையில் சில பிரச்னைகள் ஏற்படக்கூடும்.
ஆயில்யம் நட்சத்திரத்தில் பிறந்தவர்கள் மற்றவர்களுடன் வீண் விவாதம் செய்வதைத் தவிர்க்கவும்.
சிம்ம ராசி அன்பர்களே!
ஆடல் பாடல் போன்ற பொழுதுபோக்கு நிகழ்ச்சிகளில் அதிக நாட்டத்துடன் கலந்து கொள்வீர்கள். அனாவசியமான செலவுகளால் கடன் வாங்கும் நிலைக்கு ஆளாவீர்கள். ஆனால் உங்களின் விடாமுயற்சியால் தொழிலில் வெற்றியைக் காண்பீர்கள். உற்சாகத்துடன் புதிய தொழில்களில் தடம் பதிப்பீர்கள். சிறு வியாபாரிகள் சிறப்பான லாபம் பெறுவீர்கள்.சிவபெருமானை வழிபட காரியங்கள் அனைத்தும் ஸித்தியாகும்
மகம் நட்சத்திரத்தில் பிறந்தவர்களுக்கு எதிர்பாராத செலவுகள் ஏற்பட வாய்ப்பு உண்டு.
பூரம் நட்சத்திரத்தில் பிறந்தவர்களுக்கு வாழ்க்கைத்துணையால் சில பிரச்னைகள் ஏற்படும்.
உத்திரம் நட்சத்திரத்தில் பிறந்தவர்களுக்கு தாயிடம் எதிர்பார்த்த உதவி கிடைப்பது தாமதமாகும்.
கன்னி ராசி அன்பர்களே!
கொடுத்த வாக்கை காப்பாற்ற பாடுபடுவீர்கள். உறவினர்களால் தலைகுனிவை அடைவீர்கள். என்னதான் எச்சரிக்கையாக இருந்தாலும் சின்னச் சின்ன தொல்லைகளால் இம்சைப்படுவீர்கள். அதேநேரத்தில் மனைவி மக்கள் ஆதரவால் மகிழ்ச்சி அடைவீர்கள். வங்கிகளுக்கு செல்லும்போது பணத்தைப் பத்திரமாக கொண்டு செல்ல மறக்காதீர்கள்.இன்று நீங்கள் துர்கையை வழிபடுவதன் மூலம் சிரமங்கள் பெரிதும் குறையும்.
உத்திரம் நட்சத்திரத்தில் பிறந்தவர்களுக்கு எதிரிகளால் இடையூறுகள் ஏற்படக்கூடும். கவனம் தேவை.
அஸ்தம் நட்சத்திரத்தில் பிறந்தவர்கள் மற்றவர்களுடன் பேசும்போது பொறுமையைக் கடைப் பிடிக்கவும்.
சித்திரை நட்சத்திரத்தில் பிறந்தவர்களுக்குக் கொடுத்த கடன் திரும்பக் கிடைக்க வாய்ப்பு உண்டு.
துலா ராசி அன்பர்களே!
எதிரிகளின் சூழ்ச்சியை இறுமாப்போடு முறியடிப்பீர்கள். பொருளாதாரத்தில் எதிர்பாராத முன்னேற்றம் அடைவீர்கள். வாகனங்கள் வாங்கி மகிழ்ச்சி அடைவீர்கள். குடும்பத் தேவைகளைப் பூர்த்தி செய்து அனைவரையும் பூரிக்க வைப்பீர்கள். அக்கறையுடன் வேலைசெய்து உயர் அதிகாரிகளின் பாராட்டைப் பெறுவீர்கள். நிலம் வாங்க அட்வான்ஸ் பணம் கொடுப்பீர்கள்.லட்சுமி நரசிம்மர் வழிபாடு நன்மைகளை அதிகரிக்கும்.
சித்திரை நட்சத்திரத்தில் பிறந்தவர்கள் மற்றவர்களுடன் பேசும்போது பொறுமை அவசியம்.
சுவாதி நட்சத்திரத்தில் பிறந்தவர்களுக்கு தெய்வப் பிரார்த்தனைகளை நிறைவேற்றும் வாய்ப்பு ஏற்படும்.
விசாகம் நட்சத்திரத்தில் பிறந்தவர்களுக்கு உணவு வகைகளால் அலர்ஜி ஏற்படக்கூடும் என்பதால் கவனம் தேவை.
விருச்சிக ராசி அன்பர்களே!
உங்கள் முயற்சிகள் முளைவிட்டு மரமாகி நல்ல கனிகள் கொடுப்பதை பார்த்து களிப்படைவீர்கள். வியாபாரத்திற்காக பணம் புரட்டுவீர்கள். ஓடி வந்து உதவி செய்யும் நண்பர்களை மறக்காதீர்கள். விருந்து நிகழ்ச்சிகளை ஏற்பாடு செய்து அரசியல்வாதிகளின் அன்பைப் பெறுவீர்கள். எங்கு சென்றாலும் புகழும் செல்வாக்கும் பெறுவீர்கள். தங்க நகைகள் வாங்குவதில் ஆர்வம் காட்டுவீர்கள்.இன்று நீங்கள் துர்கையை வழிபட காரியங்கள் அனுகூலமாகும்.
விசாகம் நட்சத்திரத்தில் பிறந்தவர்களுக்கு தாய்வழி உறவினர்களால் சில பிரச்னைகள் ஏற்படும்.
அனுஷம் நட்சத்திரத்தில் பிறந்தவர்கள் மற்றவர்களுடன் விவாதம் செய்வதைத் தவிர்ப்பது நல்லது.
கேட்டை நட்சத்திரத்தில் பிறந்தவர்கள் உறவினர்களிடம் அனுசரணையாக நடந்துகொள்ளவும்.
தனுசு ராசி அன்பர்களே!
அனாவசியச் செலவுகளால் அவதிப்படுவீர்கள். உதவி செய்வதன் மூலம் உங்கள் மரியாதையை உயர்த்திக் கொள்வீர்கள். இந்த நாளில் போட்டி பந்தயங்களில் இறங்காதீர்கள். பங்குச் சந்தை சரிவால் சங்கடப்படுவீர்கள். உறவினர்களால் பல நன்மைகள் அடைவீர்கள். ரியல் எஸ்டேட் தொழிலில் சிறப்பான பலனை பெறுவீர்கள். மனை இடம் வாங்கி போடுவீர்கள்.விநாயகர் வழிபாடு விக்கினங்களைத் தீர்க்கும்.
மூலம் நட்சத்திரத்தில் பிறந்தவர்களுக்கு நண்பர்களிடம் எதிர்பார்த்த காரியம் அனுகூலமாகும்.
பூராடம் நட்சத்திரத்தில் பிறந்தவர்களுக்கு வாழ்க்கைத்துணைவழி உறவினர்களால் செலவுகள் ஏற்படக்கூடும்.
உத்திராடம் நட்சத்திரத்தில் பிறந்தவர்களுக்கு நீண்டநாளாக தடைப்பட்டு வந்த காரியம் சாதகமாக முடியும்.
மகர ராசி அன்பர்களே!
நண்பரின் ஒத்துழைப்பால் ஓரளவு நன்மையை அனுபவிப்பீர்கள். உடல்ரீதியான உபாதைகளை எதிர்நோக்குவீர்கள். மருத்துவ செலவுகளுக்காக கடன் வாங்குவீர்கள். பெற்றோர்களால் மனச் சங்கடங்களுக்கு ஆளாவீர்கள். கொடுத்த இடத்தில் குறித்த நேரத்தில் பணம் திரும்பி வராமல் திணறுவீர்கள். வம்பு வழக்குகளில் சிக்கிக்கொண்டால் அவமானத்தை சந்திப்பீர்கள்.
மகாவிஷ்ணுவை வழிபடுவதன் மூலம் வீண் பிரச்னைகளில் இருந்து விடுபட முடியும்.
உத்திராடம் நட்சத்திரத்தில் பிறந்தவர்கள் தேவையற்ற செலவுகளைத் தவிர்ப்பது நல்லது.
திருவோணம் நட்சத்திரத்தில் பிறந்தவர்கள் தந்தைவழியில் எதிர்பார்த்த காரியம் முடிவதில் தாமதம் ஏற்படக்கூடும்.
அவிட்டம் நட்சத்திரத்தில் பிறந்தவர்களுக்கு வீண் அலைச்சலும் உடல் அசதியும் உண்டாகும்.
கும்பராசி அன்பர்களே!
மனைவியின் மனம் கோணாமல் நடந்து கொள்வீர்கள். விழிப்போடு வாகனம் ஓட்டவில்லை என்றால் விபத்தில் சிக்குவீர்கள். பணியாளர்கள் மேலதிகாரிகளின் கோபத்திற்கு ஆளாகாதீர்கள். வியாபாரத்தில் போட்டியை எதிர்நோக்குவீர்கள். உறவினர்களின் ஒத்துழைப்பை அடைவீர்கள். வெளியூர்க் கடிதங்கள் மூலம் நல்ல செய்தியை பெறுவீர்கள்.இன்று பைரவர் வழிபாடு நன்மைகளை அதிகரிக்கச் செய்யும்.
அவிட்டம் நட்சத்திரத்தில் பிறந்தவர்கள் புதிய முயற்சிகளில் ஈடுபடுவதை தவிர்க்கவும்.
சதயம் நட்சத்திரத்தில் பிறந்தவர்களுக்கு திடீர் பணவரவுடன் எதிர்பாராத செலவுகளும் ஏற்படும்.
பூரட்டாதி நட்சத்திரத்தில் பிறந்தவர்களுக்கு உறவினர்கள் மூலம் கேட்கும் செய்தி உற்சாகம் தருவதாக இருக்கும்.
மீனராசி அன்பர்களே!
ஏற்றுமதி இறக்குமதி தொழிலில் நல்ல வருமானம் பெறுவீர்கள். வெளிநாட்டு நண்பர்களின் உதவியால் வியாபாரத்தை விஸ்தரிப்பீர்கள். கணவன் மனைவிக்கிடையே கருத்து வேற்றுமையை நீக்கி உறவை பலப்படுத்துவீர்கள். பிள்ளைகள் கல்வி முன்னேற்றத்திற்கு தேவையான முன்னெடுப்புகளை செய்வீர்கள். பொருளாதாரத்தை பெருக்குவீர்கள். கடன் பிரச்சனை தீர சிவபெருமானுக்கு ருத்ரா அபிஷேகம் செய்வது நல்லது.
பூரட்டாதி நட்சத்திரத்தில் பிறந்தவர்களுக்கு எதிர்பாராத செலவுகளால் கையிருப்பு கரையும்.
உத்திரட்டாதி நட்சத்திரத்தில் பிறந்தவர்களுக்கு எதிர்பாராத பணவரவுக்கு வாய்ப்பு ஏற்படும்.
ரேவதி நட்சத்திரத்தில் பிறந்தவர்கள் அக்கம்பக்கத்தில் இருப்பவர்களுடன் அனுசரணையாக நடந்துகொள்வது நல்லது.
What’s your Reaction?
+1
+1
+1
+1
+1
+1
+1
