சூட்டிங் முடிந்து வீட்டுக்கே செல்லாத விஜய் – ஏன்?

இன்னும் நடிகர் விஜய் குறித்து அவ்வப்போது ஏதாவது சர்ச்சைகள் வட்டம் அடித்துக்கொண்டே இருப்பதும், அதைத் தட்டிவிட்டு நடந்து செல்வதும் இயல்பு. சமீபத்தில் ஜெயிலர் பட பாடல் வெளியீட்டு விழாவின்போது கூட, நடிகர் ரஜினிகாந்த் பேசியது, விஜயை தாக்கும் வண்ணம் இருந்ததாகப் பலரும் இணையத்தில் கொதித்தனர். அதைத் தொடர்ந்து நடிகர் விஜய்யும் லியோ பட பாடல் வெளியீட்டு விழாவில், சூப்பர் ஸ்டார் என்பவர் ஒருவர் தான் என்றும்; ஆனால், ஒரு தந்தையைப் போல் மகன் நடந்துகொள்ள முயற்சிப்பது தவறு இல்லை என்றும் தனது கருத்தினைப் பதிவு செய்திருந்தார். இதனால் ரஜினி ரசிகர்களுக்கும் விஜய் ரசிகர்களுக்கும் இணையத்தில் சண்டை முற்றியது. அது அப்படியே திரையுலகில் யார் வசூல் சக்கரவர்த்தி என்னும் ரேஞ்சுக்கு சென்றது. குறிப்பாக, லியோ பட ரிலீஸின்போது 10 நாட்களுக்குப் பின் வசூல் டல்லடித்தது. மேலும், அது ஜெயிலர் பட வசூலை முறியடிக்கவில்லை எனக் கூறப்படுகிறது.