எப்போது காய்கறிககளை பயிரிட வேண்டும்

டேராஸ் கார்டன் (அ) மாடித் தோட்டம் என்றால் என்ன?

மாடித்தோட்டம் என்றால் தண்ணீர் நம் வீட்டு கான்கிரீட் கூரையில் இறங்கி சேதம் ஆகிவிடுமோ என்பது எல்லாருக்கும் வரும் ஒரு சந்தேகம். நீர் தேங்காத வரை இதில் எந்தப் பிரச்னையும் இல்லை. லேசாய்த் தண்ணீர் தெளிப்பதால் எந்தப் பாதகமுமில்லை. வேண்டுமென்றால் பிளாஸ்டிக் பெயின்ட் மாதிரியோ அல்லது பாலித்தீன் விரிப்போ அமைத்துக் கொள்ளலாம். மாடித்தோட்டம் போட்டு அனுபவமில்லாதவர்கள் எடுத்ததும் பெரிய அளவில் செய்யாமல் கொத்தமல்லி, புதினா எனக் கீரைவகைகளில் இருந்தே தொடங்கலாம். பின் போகப் போக அனுபவத்திற்கு ஏற்றவாறு பெருக்கிக் கொள்ளலாம். வெயிலின் தாக்கமும், காற்றின் வேகமும் அதிகரித்தாலும் செடியின் வளர்ச்சி பாதிப்படையும். எனவே, இந்நிலையில் பசுமைக்குடில் அமைத்தால் ஏற்றதாய் அமையும். மாடித்தோட்டம் பற்றிய சந்தேகங்களுக்கு அருகில் உள்ள தோட்டக்கலைத் துறை அலுவலகங்களையும் தொடர்புகொண்டு பயன்பெறலாம்.

நம் வீட்டின் மாடியில் செடி, கோடி, பூ, காய் கனிகளை வளர்ப்பது….அது மொட்டை மாடியாகவோ,பால்கனியாகவோ, வீட்டின் மேற்கூரையாகவோ இருக்கலாம். முன்பு வீட்டை சுற்றியிருந்த தோட்டத்திற்கு இன்று இடம் இல்லாமல் போனதால் அதை மாடிக்கு மாற்றல் செய்துவிட்டோம். நிலம் வாங்கி பயிர் செய்யும் பிரச்சனைகளும் இதில் இல்லாதது இவற்றை வரவேற்கதக்கதாக மாற்றியுள்ளது.