Bigg Boss Tamil 7 Eviction: பிக்பாஸில் 20ம் நாளான நேற்று, சாப்பாட்டு சண்டை ; இன்று தண்டனை!

திருச்சியைச் சேர்ந்த விஜய் வர்மாவின் குடும்பம் திருச்சி, மற்றும் சென்னையில் ஜிம்கள் நடத்தி வருவதாகத் தெரிகிறது. இவர்களுடைய ஜிம்முக்கு உடற்பயிற்சி செய்ய வரும் சினிமா மற்றும் டிவி பிரபலங்களுடன் தொடர்பை வளர்த்து வந்த விஜய் வர்மாவுக்கு மாடலிங் மற்றும் சினிமா ஆர்வம் வந்திருக்கிறது. தன்னுடைய மீடியா தொடர்பு மூலமே பிக் பாஸ் நிகழ்ச்சியில் கலந்து கொள்ளும் வாய்ப்பையும் இவர் பெற்றார் எனச் சொல்கிறார்கள். கேப்டன் என்ற பெருமையுடன் நிகழ்ச்சிக்குச் சென்றவரின் செயல்பாடுகள் அந்த வீட்டுக்குள் சிறப்பாக இல்லை என்பது முதல் வாரமே தெரிந்துவிட்டது.

சக போட்டியாளர்களிடம் மிரட்டல் தொனியில் பேசுவது, முரட்டுத்தனமான சைகை மொழியில் பேசுவது, கெட்ட வார்த்தைகளைப் பயன்படுத்துவது என நடந்து கொண்டதால் கமலே மஞ்சள் கார்டு கொடுத்து எச்சரிக்கை விடுத்தது நினைவிருக்கலாம்.

முதல் வார எச்சரிக்கையையும் கண்டு கொள்ளாமல் தனது போக்கை மாற்றிக் கொள்ளாத விஜய் வர்மா சில தினங்களுக்கு முன் நடந்த டாஸ்குகளின் போது மீண்டும் விஷ்ணுவுடன் மோதினார்.

‘நடிகனுக்குத் தேவையே முகம்தான். டாஸ்க் அது இதுன்னு இவனுடன் மல்லுக்கட்டினா, அட்டாக் பண்ணி அந்த முகத்தையே பாழாக்கிடுவான் போல’ என விஷ்ணுவே சக போட்டியாளர்கள் மத்தியில் புலம்பியதெல்லாம் கூட நடந்தது. பிரதீப்பை இவர் தாக்கியதும் சமூக வலைதளங்களில் வைரலானது.

இந்தச் சூழலில் இன்று நடந்த எவிக்‌ஷனில் நிகழ்ச்சியிலிருந்து வெளியேற்றப் பட்டிருக்கிறார். அவருக்கு ரெட் கார்டு கொடுத்து வெளியே அனுப்பவும் வாய்ப்புள்ளதாகச் சொல்கிறார்கள்.இது அதிகாரப்பூர்வ தகவல் இல்லை என்றாலும் இந்த தகவல் ரசிகர்கள் மத்தியில் அதிர்ச்சியை ஏற்படுத்தியுள்ளது