திரை விமர்சனம்: டைனோசர்ஸ்

ஊர்க்காவலனாகக் காட்டிக்கொண்டு, உள்ளடியில் கொடூரமான குற்றவுலகைக் கட்டியாளும் சாலையார், தன்னை விட்டுப் பிரிந்து செல்பவர்கள், திருந்தி வாழ நினைப்பவர்களின் கதையை எப்படி முடித்துவிடுகிறான் என்பதைச் சித்திரித்த விதம் நிமிர்ந்து உட்கார வைக்கிறது. ‘தலைக்கு மேல பறந்துபோற விமானத்தோட நிழல் நம்ம ஏரியா மேல விழுது.. அந்த விமானத்துல நாமெல்லாம் ஏறிப்போகணும்டா..’ என நண்பர்களைத் தடுமாறவிடாமல் தன்வசப்படுத்தும் நாயகன், சாலையாரின் முகமூடியைக் கழற்ற முற்படும் ஒவ்வொரு நகர்வும் தரமான சம்பவம். வன்முறைக்குப் பதிலீடு வன்முறை அல்ல என்று நாயகன் தரும் இறுதித் தண்டனை முத்தாய்ப்பு.