சோபகிருது வருடம் ஆனி மாதம் 22 ஆம் தேதி வெள்ளிக்கிழமை 07.7.2023,சந்திர பகவான் இன்று கும்ப ராசியில் பயணம் செய்கிறார். இன்று காலை 08.24 மணி வரை சதுர்த்தி. பின்பு பஞ்சமி. இன்று அதிகாலை 04.19 மணி வரை அவிட்டம். பின்னர் சதயம். பூசம் நட்சத்திரத்தில் பிறந்தவர்களுக்கு சந்திராஷ்டமம். சற்று கவனமுடனும் எச்சரிக்கையுடனும் நடந்துகொள்வது அவசியம். மேஷம் முதல் மீனம் வரையுள்ள 12 ராசிக்காரர்களுக்கும் பலன்கள் எப்படி இருக்கிறது என்று பார்க்கலாம்.
மேஷ ராசி அன்பர்களே!
உள்ளத்தில் உள்ளதை மறைக்காமல் அப்படியே வெளிப்படுத்துவீர்கள். மற்றவர்கள் நலனுக்காக அதிக அக்கறை எடுத்துக் கொள்வீர்கள். வியாபாரத்திற்கு தேவையான கட்டமைப்பை ஏற்படுத்துவீர்கள். வெளியூர்ப் பயணங்களளில் தேவையான உதவிகளைப் பெறுவீர்கள். வேலையில் அதிக உற்சாகத்துடன் காணப்படுவீர்கள். மற்றவர்கள் குறை கூறுவதை காதில் போட்டுக் கொள்ள மாட்டீர்கள்.சரபேஸ்வரரை வழிபட சங்கடங்கள் நீங்கி மகிழ்ச்சி உண்டாகும்.
அசுவினி நட்சத்திரத்தில் பிறந்தவர்களுக்கு சகோதரர்களால் ஆதாயம் கிடைக்கும்.
பரணி நட்சத்திரத்தில் பிறந்தவர்களுக்கு புதிய ஆடை, ஆபரணங்களின் சேர்க்கை ஏற்படக்கூடும்
கிருத்திகை நட்சத்திரத்தில் பிறந்தவர்கள் புதிய முயற்சிகளில் ஈடுபடுவதை தவிர்க்கவும்
ரிஷப ராசி அன்பர்களே!
பணப்பயிர் விவசாயத்தில் மனம் போல் லாபத்தைப் பெறுவீர்கள். தோப்பு குத்தகையின் மூலமாக வருவாய் பெறுவீர்கள். வயிற்று வலியால் பாதிக்கப்படுவீர்கள். புதிய வீடு கட்டி புதுமனை புகுவிழா நடத்துவீர்கள். உறவினர்கள் மத்தியில் செல்வாக்கை அதிகரிப்பீர்கள். ஆசையோடு எதிர்பார்த்த அரசாங்க வேலை கிடைத்து நிம்மதி அடைவீர்கள்.விநாயகரை வழிபட நன்மை ஏற்படும்.
கிருத்திகை நட்சத்திரத்தில் பிறந்தவர்கள் மற்றவர்களுடன் பேசும்போது பொறுமை அவசியம்.
ரோகிணி நட்சத்திரத்தில் பிறந்தவர்களுக்கு நண்பர்கள் மூலம் கிடைக்கும் செய்தி மகிழ்ச்சி தரும்.
மிருகசீரிடம் நட்சத்திரத்தில் பிறந்தவர்களுக்கு அதிகாரிகளால் அனுகூலம் உண்டாகும்.
மிதுன ராசி அன்பர்களே!
குடும்பத்துடன் குதூகலமாக உல்லாசப் பயணம் செல்வீர்கள். திட்டமிட்டு எதிர்கால சேமிப்பை உயர்த்துவீர்கள். கட்டுமானத் துறையில் கணிசமான லாபம் பார்ப்பீர்கள். விரும்பிய பெண்ணுக்கு தங்க நகை வாங்கி கொடுப்பீர்கள். வேலையிடத்தில் முதலாளிகளின் பாராட்டைப் பெறுவீர்கள். தந்தையாருக்கு மருத்துவ செலவு செய்வீர்கள்.துர்கை வழிபாடு மகிழ்ச்சி தரும்.
மிருகசீரிடம் நட்சத்திரத்தில் பிறந்தவர்களுக்கு தாய்வழி உறவினர்களால் செலவுகள் ஏற்படும்.
திருவாதிரை நட்சத்திரத்தில் பிறந்தவர்களுக்கு எதிர்பாராத பணவரவுக்கு வாய்ப்பு உண்டு.
புனர்பூசம் நட்சத்திரத்தில் பிறந்தவர்களுக்கு வாழ்க்கைத்துணைவழியில் செலவுகள் ஏற்படும்.
கடக ராசி அன்பர்களே!
தொழில் சம்பந்தமாக தொலைதூர பயணங்களை மேற்கொள்வீர்கள். மனைவியின் வீட்டாரோடு மல்லுக்கட்டுவீர்கள். தொழில்துறையில் இடர்ப்பாடுகளை சந்திப்பீர்கள். வியாபாரத்தில் நிலையான வருமானம் இல்லாமல் தடுமாறுவீர்கள். அலுவலகங்களில் அவசரப்பட்டு வார்த்தைகளை விடாதீர்கள். வேலை இடத்தில் விசுவாசமாக இருப்பீர்கள். சந்திராஷ்டம நாள். கவனம் தேவை. தட்சிணாமூர்த்தியை வழிபட தடைகள் விலகும்.
புனர்பூசம் நட்சத்திரத்தில் பிறந்தவர்களுக்கு வாழ்க்கைத்துணையால் மகிழ்ச்சி உண்டாகும்.
பூசம் நட்சத்திரத்தில் பிறந்தவர்கள் வெளியிடங்களில் சாப்பிடுவதை தவிர்ப்பது நல்லது.
ஆயில்யம் நட்சத்திரத்தில் பிறந்தவர்களுக்கு அதிகாரிகளால் காரிய அனுகூலம் உண்டாகும்.
சிம்ம ராசி அன்பர்களே!
தடைபட்ட திருமணப் பேச்சுவார்த்தை தொடங்கி நல்ல முடிவை எட்டுவீர்கள். மைத்துனரின் உதவியால் சிக்கலான பிரச்சனைகளைத் தீர்ப்பீர்கள். மனம் விரும்பும் பெண்ணை எதிர்ப்புகளுக்கிடையே கரம் பிடிப்பீர்கள். குடும்பத்தில் சுப நிகழ்ச்சிகள் நடத்துவீர்கள். அந்தஸ்தை உயர்த்திக் கொள்ள ஆடம்பரமாகச் செலவு செய்வீர்கள். புதிய வாகனம் வாங்குவீர்கள்.அம்பிகையை வழிபட நற்பலன்கள் அதிகரிக்கும்.
மகம் நட்சத்திரத்தில் பிறந்தவர்களுக்கு எதிரிகளால் ஏற்பட்ட தொல்லைகள் நீங்கும்.
பூரம் நட்சத்திரத்தில் பிறந்தவர்களுக்கு தெய்வப்பணிகளில் ஈடுபடும் வாய்ப்பு ஏற்படும்.
உத்திரம் நட்சத்திரத்தில் பிறந்தவர்கள் கடன்கள் விஷயத்தில் கவனமாக இருக்கவும்.
கன்னி ராசி அன்பர்களே!
எதிர்பார்த்த அளவு அரசாங்க உதவி பெற மாட்டீர்கள். கடினமாக உழைத்து வியாபார இலக்கை எட்டுவீர்கள். காதலியின் கோபத்திற்கு ஆளாவீர்கள். அசதியை பார்க்காமல் கடுமையாக வேலை செய்வீர்கள். குடும்பத்தை பிரிந்து வெளியூர் செல்வீர்கள். உடல் சோர்வு, மனச்சோர்வால் பாதிக்கப்படுவீர்கள். திடீர் வயிற்றுப்போக்கால் அவதிப்படுவீர்கள்.சிவபெருமான் வழிபாடு நலம் சேர்க்கும்.
உத்திரம் நட்சத்திரத்தில் பிறந்தவர்கள் மற்றவர்களுடன் விவாதம் செய்வதைத் தவிர்க்கவும்.
அஸ்தம் நட்சத்திரத்தில் பிறந்தவர்கள் முக்கிய முடிவுகளை ஒருமுறைக்கு பலமுறை யோசித்து எடுப்பது நல்லது.
சித்திரை நட்சத்திரத்தில் பிறந்தவர்களுக்கு எதிர்பாராத பயணத்தால் ஆதாயம் உண்டாகும்.
துலா ராசி அன்பர்களே!
வீட்டம்மாவிடம் விதண்டாவாதமாகப் பேசாதீர்கள். சொந்தமாக சமைத்து சாப்பிடும் நிலைக்கு ஆளாவீர்கள். பிள்ளைகளின் நடவடிக்கையை கண்காணிக்க தவறாதீர்கள். குலதெய்வ கோயிலுக்குச் சென்று வழிபாடு செய்வீர்கள். தோஷ நிவர்த்திக்கான பூசைகளை வீட்டில் நடத்துவீர்கள். பொருளாதாரத்தில் முன்னேற்றம் அடைவீர்கள்.முருகப்பெருமானை வழிபடுவதன் மூலம் மகிழ்ச்சி அதிகரிக்கும்.
சித்திரை நட்சத்திரத்தில் பிறந்தவர்களுக்கு புதிய முயற்சிகள் சாதகமாக முடியும்.
சுவாதி நட்சத்திரத்தில் பிறந்தவர்களுக்கு பிள்ளைகளால் பெருமை உண்டாகும்.
விசாகம் நட்சத்திரத்தில் பிறந்தவர்களுக்கு வாழ்க்கைத்துணைவழியில் சில சங்கடங்கள் ஏற்படும்.
விருச்சிக ராசி அன்பர்களே!
கார் வாங்கும் உங்கள் ஆசை நிறைவேற இன்று அடி போடுவீர்கள். சகோதரரிடம் இருந்த பகை விலகி பரம்பரைச் சொத்தின் வில்லங்கம் தீர்ப்பீர்கள். வீட்டிற்குத் தேவையான பொருட்களை வாங்கி வசதியைப் பெருக்கிக் கொள்வீர்கள். வியாபாரத்தை நேர்த்தியாக நடத்துவீர்கள். தொழில்துறையை நிலைநிறுத்த திட்டம் போட்டு செயல்படுத்துவீர்கள்.இன்று லட்சுமி நரசிம்மரை வழிபட பல வகைகளிலும் அனுகூலப் பலன்கள் ஏற்படும்.
விசாகம் நட்சத்திரத்தில் பிறந்தவர்கள் கடன்கள் விஷயத்தில் கவனம் செலுத்தவும்.
அனுஷம் நட்சத்திரத்தில் பிறந்தவர்களுக்கு தாய்வழியில் சில பிரச்னைகள் ஏற்பட்டு நீங்கும்.
கேட்டை நட்சத்திரத்தில் பிறந்தவர்களுக்கு அரசாங்கக் காரியங்கள் அனுகூலமாக முடியும்.
தனுசு ராசி அன்பர்களே!
நெருங்கிய உறவினர் வீட்டு பிரச்சனையை தீர்த்து வைப்பீர்கள். மனத் தைரியத்தோடு வேலையில் ஈடு படுவீர்கள். அரசு ஊழியர்கள் கடமையைச் செய்யும்போது மிரட்டலுக்கு அஞ்ச மாட்டீர்கள். ஆன்லைன் வர்த்தகங்களில் அதிகம் ஈடுபடாதீர்கள். கணினித்துறையில் கணிசமான லாபம் பார்ப்பீர்கள். தொழில் எதிர்ப்புகளை முறியடித்து ஏற்றம் பெறுவீர்கள்.இன்று ஆஞ்சநேயரை வழிபட முக்கிய முடிவுகள் சாதகமாகும்,
மூலம் நட்சத்திரத்தில் பிறந்தவர்கள் சகோதரர்களிடம் அனுசரணையாக நடந்துகொள்ளவும்.
பூராடம் நட்சத்திரத்தில் பிறந்தவர்களுக்கு எதிர்பார்த்த சுபச்செய்தி கிடைப்பதற்கு வாய்ப்பு உண்டு.
உத்திராடம் நட்சத்திரத்தில் பிறந்தவர்களுக்கு எதிரிகளால் ஏற்பட்ட இடையூறுகள் நீங்கும்.
மகர ராசி அன்பர்களே!
கொடுத்த வாக்கைக் காப்பாற்றுவதில் உறுதியாக இருப்பீர்கள். அரசாங்க வேலைக்காகத் தேர்வு எழுதி வெற்றி பெறுவீர்கள். வீடு கட்டுவதற்காக நிலம் வாங்கிப் பத்திரப் பதிவு செய்வீர்கள். அரசு வேலையில் ஊதிய உயர்வோடு இடம் மாறுதலும் அடைவீர்கள். பழங்கள், காய்கறிகள் வியாபாரத்தில் லாபம் பார்ப்பீர்கள். சிறுநீர் தொற்றால் பாதிக்கப்பட்டு சிரமப்படுவீர்கள்.அம்பிகையை வழிபட இடையூறுகள் விலகும்.
உத்திராடம் நட்சத்திரத்தில் பிறந்தவர்கள் பண விவகாரத்தில் கவனமாக இருக்கவும்.
திருவோணம் நட்சத்திரத்தில் பிறந்தவர்களுக்கு பிள்ளைகளால் சில பிரச்னைகள் ஏற்பட்டு நீங்கும்.
அவிட்டம் நட்சத்திரத்தில் பிறந்தவர்கள் உடல் ஆரோக்கியத்தில் கவனம் செலுத்தவும்.
கும்பராசி அன்பர்களே!
வியாபாரம் சிறப்பாக நடந்தாலும் கையில் காசு தங்காமல் சிரமப்படுவீர்கள். குடும்பத்தில் மனைவிக்கு மருத்துவ செலவு செய்வீர்கள். நண்பரின் தேவைக்கு பணம் கொடுத்து உதவுவீர்கள். பொறாமைப்பட்ட உறவினர்களால் புறக்கணிக்கப்படுவீர்கள். குடும்பத்தினரிடம் கோபத்தைக் காட்டாதீர்கள்.இன்று விநாயகரை வழிபட நன்மைகளைக் கூடுதலாகப் பெறலாம்.
அவிட்டம் நட்சத்திரத்தில் பிறந்தவர்களுக்கு வெளியூரிலிருந்து எதிர்பார்த்த நல்ல செய்தி இன்று கிடைக்கக்கூடும்.
சதயம் நட்சத்திரத்தில் பிறந்தவர்களுக்கு திடீர் பணவரவுடன் எதிர்பாராத செலவுகளும் ஏற்படும்.
பூரட்டாதி நட்சத்திரத்தில் பிறந்தவர்களுக்கு நண்பர்களால் ஆதாயம் கிடைக்கக்கூடும்.
மீனராசி அன்பர்களே!
அண்டை வீட்டாரிடம் அன்பாக நடந்து கொல்வீர்கள். மனதில் உள்ளதை தெளிவாக மனைவியிடம் எடுத்துச் சொல்லுவீர்கள். ஐடி ஊழியர்கள் பணிச்சுமையால் அவதிப்படுவீர்கள். வாகனத்தில் ஏற்பட்ட பழுதை நீக்குவீர்கள். கொடுக்கல்-வாங்கலில் சிக்கலை சந்திப்பீர்கள். பேஸ்புக்கில் பழகிய பெண் நண்பரால் ஏமாற்றப்படுவீர்கள்.முருகப்பெருமானை வழிபட சிரமங்கள் குறையும்.
பூரட்டாதி நட்சத்திரத்தில் பிறந்தவர்களுக்கு வாழ்க்கைத்துணையால் ஆதாயம் உண்டாகும்.
உத்திரட்டாதி நட்சத்திரத்தில் பிறந்தவர்கள் உறவினர்களிடம் அனுசரணையாக நடந்துகொள்ளவும்.
ரேவதி நட்சத்திரத்தில் பிறந்தவர்களுக்கு தந்தையிடம் எதிர்பார்த்த பண உதவி கிடைக்கும்.
What’s your Reaction?
+1
+1
+1
+1
+1
+1
+1
