காரசாரமாக சென்று கொண்டிருக்கும் பிக் பாஸ் சீசன் 7 நிகழ்ச்சியில் ஒவ்வொரு வாரமும் ஒரு போட்டியாளர் எலிமினேட் செய்யப்படுவார். அந்த வகையில் இந்த வாரம் நாமினேஷன் லிஸ்டில் இருந்த அர்ச்சனா, விசித்ரா, மணி, நிக்சன், தினேஷ் போன்ற ஐந்து பேர் இடம் பெற்றனர். இதில் மாயா, பூர்ணிமா, ரவீனா, கூல் சுரேஷ் உள்ளிட்டோர் இடம்பெறாமல் எஸ்கேப் ஆகிவிட்டனர்.
இந்த வார நாமினேஷன் ப்ராசஸில் ஒட்டுமொத்த பிக் பாஸ் வீடே நிக்சனை தான் டார்கெட் செய்தது. கடந்த வாரம் கேப்டனாக இருந்து எஸ்கேப் ஆன நிக்சன் இந்த வாரம் அதிர்ஷ்டவசமாய் மிக்ஜாம் புயலால் தப்பித்து விட்டார். மக்கள் அளித்த ஓட்டுகளின் அடிப்படையில் நிச்சயம் தான் கடைசி இடத்தில் இருந்து நிலையில், அவர்தான் இந்த வாரம் வீட்டை விட்டு கிளம்புவதாக இருந்தது.
ஆனால் சற்று முன் வந்த தகவலின் படி, மிக்ஜாம் புயல் காரணமாக மக்கள் அதிக அளவு ஓட்டுக்களை போட முடியவில்லை. அதனால் இந்த வாரம் ‘நோ எலிமினேஷன்’ என அறிவிக்கப்பட்டிருக்கிறது. ஒருவேளை நிக்சனை விஜய் டிவி காப்பாற்ற பார்க்கிறதா? என்றும் பிக் பாஸ் ரசிகர்கள் கேள்வி எழுப்புகின்றனர்.
எலிமினேஷனில் இருந்து தப்பித்த நிக்சன்
நான்கு மாவட்டங்கள் மட்டும்தான் புயலால் அதிகம் பாதிக்கப்பட்டது. அதனால் அங்கிருந்து மட்டும்தான் ஓட்டுக்கள் வந்திருக்காது. மற்ற மாவட்டங்களில் இருக்கும் பிக் பாஸ் ரசிகர்கள் கண்டிப்பாக ஓட்டுகளை அளித்திருப்பார்கள். அதனடிப்படையில் நிக்சனை எலிமினேட் செய்திருக்கலாம் என்று விஜய் டிவியை சோசியல் மீடியாவில் கிழித்து தொங்க விடுகின்றனர்.
இந்த சீசனில் ஏகப்பட்ட குளறுபடிகள் நடக்கிறது. அந்த வகையில் இப்போது நிக்சனையும் மிக்ஜாம் புயலை காரணமாக காட்டி வெளியேற்றாமல் காப்பாற்றப்பட்டு இருக்கிறார். அதிலும் இன்று வெளியான பிக் பாஸ் ப்ரோமோவில் நிக்சன் கொஞ்சம் ஓவராகவே தவ்வுகிறார். 5 வைல்ட் கார்ட் போட்டியாளர்களால் தான் பிக் பாஸ் வீடு நாசமா போச்சு என்றும் அதிரடியாக குற்றம் சாட்டுகிறார்.
அவர் அர்ச்சனா மற்றும் தினேஷ் மீது கொலவெறியுடன் இருக்கிறார். இந்த நிலையில் அடுத்த வாரமும் அவரை பிக் பாஸ் வீட்டில் வைத்திருந்தால் டிஆர்பி ஏறும் என்பதற்காகவே விஜய் டிவி இப்படி ஒரு வேலையை செய்திருக்கிறது.
இனி வரும் வாரங்களில் விஜய் டிவி என்னவெல்லாம் செய்து நிக்சனை எலிமினேஷனுக்கு வரவிடாமல் தடுக்க போகிறது என்று தெரியவில்லை. பிக் பாஸ் செய்யும் இந்த சூதாட்டத்தின் மூலமாகவே நன்றாக தெரிகிறது நிக்சன் போட்டியில் கடைசி வரை விளையாடுவார் என்பது.
இப்படித்தான் பிக் பாஸ் வீட்டிற்குள் சகுனி போல் விளையாடிக் கொண்டிருக்கும் மாயா இரண்டாவது வாரமே வீட்டை விட்டு வெளியேறி இருக்க வேண்டியது. ஆனால் பவா செல்லதுரை தானாக முன்வந்து வீட்டை விட்டு வெளியேறியதன் காரணமாக மாயா எலிமினேஷனில் இருந்து தப்பிக்க வைக்கப்பட்டார். அதே வேலையைத்தான் தற்போது விஜய் டிவி நிக்சன் விஷயத்திலும் செய்திருக்கிறது.
What’s your Reaction?
+1
+1
+1
+1
+1
+1
1
+1
