காலை சிற்றுண்டி ஆனாலும் சரி மாலை ஸ்நாக்ஸ் ஆனாலும், இடையில் ஏற்படும் சின்ன பசி ஆனாலும் அதற்கு ஒரு பிரட் கொஞ்சம் நூட்டெல்லா இருந்தால் போதும். கொழுப்பு, புரதம் , எல்லாம் கிடைக்கும். அதே போல பீனட் பட்டர் என்பதும் பிரெட்டுடன் சாப்பிட சரியான காம்பினேஷனாக இருக்கும்.
குழந்தைகளுக்கு நிலக்கடலையில் இருந்து செய்யப்படும் பீனட் பட்டரை விரும்புவதை விட சாக்லேட் சுவை உள்ள நூட்டெல்லாவைத் தான் அதிகம் விரும்பி உண்கின்றனர் ஆனால் இந்த இரண்டையும் சேர்த்து சுவையான அதே நேரம் ஆரோக்கியமான ஒரு ரெசிபியை வீட்டிலேயே தயாரிக்கலாம் தெரியுமா?
அதே போல வீட்டில் பீனட் பட்டர் தீர்ந்துவிட்டது. ஆனால் கொஞ்சம் பசிக்கிறது என்றால் கவலைப்பட வேண்டாம். அதற்கும் ஏற்ற சாக்லேட் சுவை கூடிய பீனட் பட்டரை நமது வீட்டிலேயே எளிமையாக செய்யலாம். வாருங்கள் எவ்வாறு செய்யலாம் என்பதை தெரிந்துகொள்வோம்.
வீட்டிலேயே பீனட் பட்டர் செய்யத் தேவையான பொருட்கள்:
2 கப் நிலக்கடலை
1/2 கப் சர்க்கரை
4 டீஸ்பூன் கோகோ தூள்
2 டீஸ்பூன் தேங்காய் எண்ணெய்
1 தேக்கரண்டி வெண்ணிலா எசன்ஸ்
வீட்டில் பீனட் பட்டர் செய்முறை :
-
இதை செய்வதற்கு முதலில் நிலக்கடலையை அடி கனமான பாத்திரத்தில் வறுக்க வேண்டும். சுமார் 10-12 நிமிடங்கள் வறுக்கவும். பின்னர் அதை சூடு தனிய ஆறவைத்துவிட்டு அதன் தூளை உரித்து தனியே நன்றாக ஆறவைக்கவும்.
-
பின்னர் ஒரு மிக்சியில் பருப்பது சேர்த்து பொடியாக அரைத்துக்கொள்ளவும். பின்னர் அதோடு தேங்காய் எண்ணெய் சேர்த்து 5 நிமிடங்கள் அல்லது கெட்டியான மற்றும் கிரீமி பீனட் பட்டர் கிடைக்கும் வரை நன்றாக அரைக்கவும்.
-
பின்னர் அதில் சர்க்கரை, கோகோ தூள் மற்றும் வெண்ணிலா எசன்ஸ் சேர்த்து முழுமையாக ஒன்றிணையும் வரை கலக்கவும். பின்னர் இதை அப்படியே எடுத்து பயன்படுத்தலாம். அல்லதுகொஞ்சம் ஆறவைத்து ஒரு கன்டைனரில் போட்டு பிரிட்ஜில் வைத்து எப்போது வேண்டுமானாலும் பயன்படுத்தலாம்.
What’s your Reaction?
+1
+1
+1
+1
+1
+1
+1
