கால் நகங்களை சுற்றிலும் ஏற்படும் பூஞ்சை தொற்றை ‘ஓனிகோமைகோசிஸ்’ என்று அழைப்பர். இதை ஆரம்பத்திலேயே சரிசெய்ய வேண்டும், இல்லையென்றால் எல்லா நகங்களுக்கும் பரவிவிடும். மேலும், நகங்கள் அழுகி போகவும் வாய்ப்புகள் அதிகம். எனவே, இந்த பூஞ்சை தொற்றை டீ ட்ரீ ஆயிலை கொண்டே எழுதில் சரி செய்யலாம். தற்போது டீ ட்ரீ ஆயிலை எப்படி பூஞ்சை தொற்றிற்கு பயன்படுத்துவது குறித்து விரிவாக தெரிந்துக் கொள்ளலாம்.
நம்மில் பலரும் முகத்திற்கு கொடுக்கும் பராமரிப்பு மற்றும் முக்கியத்துவத்தை கால்களுக்கு கொடுப்பதில்லை. இதனால், கால்களில் பல்வேறு தொற்றுகள், பாத வெடிப்பு, வறண்ட சருமம் போன்றவை பிரச்சனைகளை உருவாகிறது.
அப்படி, அதிகமானோர் பாதிக்கப்படும் மிகப்பெரிய பிரச்சனை தான் இந்த கால் நகசொத்தை. முதலில் விரலின் நுனியில் ஆரம்பித்து பின்னர் நகத்தை சுற்றி பரவும். காலப்போக்கில், நகத்தின் நிறச் சிதைவு மற்றும் நிற மாற்றத்தை ஏற்படுத்தும்.
கால் நகங்களில் பூஞ்சை தொற்று ஏற்பட்டால், கால் நகமானது அடர் மஞ்சள் அல்லது பழுப்பு நிறத்தில் காட்சியளிக்கும். இது அசௌகரியத்தையும், அசிங்கமான தோற்றத்தையும் அளிக்கும்.
காலில் நகச்சொத்தை ஏற்படுவதற்கான காரணம் என்ன?
பெரும்பாலும் காலில் நகச்சொத்தை ஏற்படுவதற்கு முக்கிய காரணம் ஏற்கனவே நகச்சொத்தை உள்ளவர்களின் காலணிகளை பயன்படுத்துவது தான்.
பிறகு, அதிக நேரம் ஷீ அணிந்திருப்பது, அசுத்தமான நெயில் கட்டரை பயன்படுத்துவது மற்றும் ஈரமான, சூடான இடங்கலில் வெறுங்காலுடன் நடப்பது போன்றவை பூஞ்சை தொற்றை எற்படுத்துகின்றன.
இருப்பினும், அசிங்கமாக இருக்கும் நகச்சொத்தையைப் போக்க டீ ட்ரீ ஆயிலை இப்படி பயன்படுத்தினாலே போதும். விரைவில் நகச்சொத்தையில் இருந்து விடுபடலாம்.
டீ ட்ரீ ஆயில் மற்றும் வைட்டமின் ஈ கேப்ஸ்யூல்
1 ஸ்பூன் வைட்டமின் ஈ ஆயில், 1 ஸ்பூன் டீ ட்ரீ ஆயில் இரண்டையும் நன்றாக கலக்கி கொள்ளவும். பிறகு, ஒரு காட்டன் துணி அல்லது பஞ்சை பயன்படுத்தி அந்த கலவையில் நனைத்து, கால் விரல்களின் மீது வைக்கவும். இதை 45 நிமிடங்கள் கழித்து வெதுவெதுப்பான தண்ணீர் கொண்டு கழுவிக் கொள்ளவும்.
அல்லது தினமும் இரவில் படுக்கைக்கு செல்வதற்கு முன்பாகவும் இந்த கலவையை கால் நகங்களின் மீது அப்ளை செய்துவிட்டு, இரவு முழுவதும் ஊற வைத்து, மறுநாள் காலையில் வெதுவெதுப்பான தண்ணீரால் கழுவிக் கொள்ளுங்கள்.
ஆலிவ் ஆயில் மற்றும் டீ ட்ரீ ஆயில்
டீ ட்ரீ ஆயில் 1-2 சொட்டுகள், 1 ஸ்பூன் ஆலிவ் ஆயில் இரண்டையும் நன்றாக கலந்து, அதை ஒரு காட்டன் துணியில் நனைத்து நகங்களின் மீது தடவிக் கொள்ளவும்.
இதை இரவு படுக்கைக்கு செல்வதற்கு தினமும் முயற்சி செய்யலாம். இது பூஞ்சைகள் நகங்களில் இருந்து மற்ற நகங்களுக்கு பரவுவதை தடுக்க உதவுகிறது.
நகச்சொத்தை ஏற்படுவதை தடுக்க சில குறிப்புகள்
கால் நகங்களை அவ்வப்போது வெட்டி, சிறியதாக வைத்துக் கொள்ளுங்கள்.
ஈரப்பதம் அதிகரிப்பதைத் தடுக்க சாக்ஸ் மற்றும் காலணிகளை அடிக்கடி மாற்றவும்.
கால்களை சுத்தமாகவும் உலர்ந்ததாகவும் வைத்திருங்கள்; ஈரப்பதத்தை உறிஞ்சும் சாக்ஸ் அணியுங்கள்.
பாதங்களை முழுவதும் மூடிய வண்ணம் இருக்கும் காலணிகளை நீண்ட நேரம் அணிவதை தவிர்க்கவும்.
மற்றவர் பயன்படுத்திய நெயில் கட்டரை தவறாமல் கிருமி நீக்கம் செய்யுங்கள்.
சூடான மற்றும் ஈரமான பகுதிகளில் வெறுங்காலுடன் நடப்பதைத் தவிர்க்கவும்.
நகங்களில் நிறம் மாறியிருந்தாலோ அல்லது வேறு ஏதேனும் மாற்றங்கள் ஏற்பட்டாலோ, சற்றும் தாமதிக்காமல் தோல் மருத்துவரை அணிந்து சிகிச்சை பெறவும்.
What’s your Reaction?
+1
1
+1
+1
+1
+1
+1
+1
