எங்கள் வீட்டு விசேஷம்

” ம்மா நாம் இரண்டு பேரும் மேரேஜ் டே ல ஒரே மாதிரி டிரஸ்ஸிங் , ஜுவல்ஸ் ஓ.கேவா ? ” தோள் சாய்ந்து கொஞ்சுகிறாள் .இளஞ்சிவப்பு வெண்ணெய் குவியலாய் , பொக்கை வாய் திறந்து ங்காயிட்டபடி இருந்த அவள் , டாக்டரம்மாவால் என் வயிற்றின் மீது வெதுவெதுப்பாய் போடப்பட்ட தருணம் சிலிர்ப்பாய் எனக்குள் . இப்போதுதானே என் கைகளுக்குள் பொதிந்து கிடந்தாள் …அதற்குள்ளாகவா….? பிரமிப்பின் பேரதிர்வு என்னுள் . கடந்து விட்ட காலங்களின் வேகங்கள் நம்ப முடியாதவை . நற்சலனங்கள் சில நீரலை மேல் காற்றாய் எனை சுகமாக அலைக்கழிக்கின்றன . சுடர் விடும் சுந்தரி அவள் – என் மகள் .திருமணம் நிச்சயிக்கப்பட்டு இல்லற வாழ்வு புக தயாராகிறாள். உங்கள் ஆசீர்வாதங்களை அளியுங்கள் தோழமைகளே .

அரைச்ச மாவையே அரைச்சிட்டிருக்கீங்களே …புதிதாக கதை எழுதும் ஐடியா இல்லையா ? உரிமையோடு கேட்கிறார்கள் சில தோழிகள் . உங்கள் ஆர்வம் புரிகிறது தோழமைகளே .மகளின் கல்யாண வேலைகளால் எனது எழுத்துப் பணி சிறிது பாதிக்கப்பட்டுள்ளதே தவிர , வேறு ஒன்றும் இல்லை .வதந்திகளை நம்ப வேண்டாம் . என் நிலைமை புரிந்து கொண்டு பொறுமை காக்கும் எனது பதிப்பாளர்களுக்கு இத்தருணத்தில் நன்றி கூறக் கடமைபட்டுள்ளேன் 
. தற்போது #class=”_58cm”>இது_ஒரு_காதல்_மயக்கம்

 கதையை குடும்ப நாவலுக்காகவும் , #தங்கத்தாமரை_மலரே கதையை பதிப்பகத்திற்காகவும் எழுதி வருகிறேன் .இந்த மாத இறுதிக்குள் இவற்றை முடித்துவிட முயற்சிப்பேன் . இக் கதைகளின் பின் சிறு இடைவெளி வரலாம் .மகளின் திருமணம் ஜீன் மாதத்தில். அது முடியும் வரை கதைகளிலோ …தளத்திலோ அதிக கவனம் செலுத்த முடியாது .புரிந்து கொள்வீர்களென நம்புகிறேன் . என் இல் வேலைகளை முடித்து விட்டு முற்றும் புதிப்பிக்கப்பட்ட தளத்துடன் , தளத்திற்கெனவே எழுதிய மேலும் அதிக புதுக் கதைகளுடனும் விரைவில் உங்களை சந்திக்க வருவேன் .திட்டாமல் காத்திருப்பீர்கள்தானே ….?