தென்காசிப் பட்டணம் திரைப்பார்வை

மலையாள பதிப்பை இயக்கிய ரஃபி மெக்கார்டின் தமிழ் பதிப்பையுமஇயக்கியிருப்பார். ஹீரோயினாக மலையாளத்தில் நடித்த சம்யுக்தா வர்மா, தமிழிலும் நடித்திருப்பார். இரண்டாவது ஹீரோயினாக தேவையானியும், அஸ்வதி மேனன், இயக்குநர் பி. வாசு, சார்லி, விவேக், வினு சக்கரவர்த்தி, ஸ்ரீவித்யா உள்பட பலரும் முக்கிய கதாபாத்திரத்தில் நடித்திருப்பார்கள்.

காமெடி கலந்த காதல் கதை

தென்காசியில் மார்க்கெட் உரிமையாளர்களாக நண்பர்களாக இருக்கும் சரத்குமார், நெப்போலியன் இருக்கிறார்கள். நெப்போலியன் தங்கையை விவேக் காதலிக்கிறார். விவேக் மூலம் சம்யுக்தா வர்மா, தேவையான அறிமுகம் சரத்குமார், நெப்போலியனுக்கு கிடைக்கிறது.

காதலால் நட்புக்குள் சிக்கல், பின்னர் புரிதல் என்று சில யூகிக்கும் காட்சிகளால் திரைக்கதை அமைந்திருந்தால் அதை படமாக்கிய விதத்தில் ரசிக்கும்படியாக உருவாக்கியிருப்பார்கள்.

தமிழில் இரண்டாவது படம்

இந்த படத்துக்கு இசையமைத்த சுரேஷ் பீட்டர்ஸ் தமிழில் இசையமைத்த இரண்டாவது படமாகவும், கூலி படத்துக்கு பின்னர் சரத்குமார் நடித்த படத்துக்கு இரண்டாவது முறையும் இசையமைத்தார்.

கொஞ்சும் தென்காசி தமிழ் பைங்கிளி பாடல் சூப்பர் ஹிட் மெலடியாக அந்த காலகட்டத்தில் அமைந்தது. இதன் காட்சியமைப்பும் ரசிக்கும் விதமாக இருந்தது.

கமர்ஷியல் ஹிட்

முதலில் இந்த படத்தில் விஜயகாந்த் நடிப்பதாக இருந்தது. மனோஜ் குமார் இயக்குவார் என தெரிவிக்கப்பட்ட நிலையில் இருவரும் வெளியேறிய நிலையில், சரத்குமார் ஹீரோவாக நடித்தார். காமெடியை முன்னிலை படுத்தி காதல், சென்டிமென்ட் கலந்த படமாக இருந்த தென்காசி பட்டணம் நல்ல வரவேற்பை பெற்ற பாக்ஸ் ஆபிஸில் வசூலையும் பெற்றது. தமிழில் சிறந்த ரொமான்டிக் காமெடி படமாக இருக்கும் தென்காசி பட்டணம் வெளியாகி இன்றுடன் 22 ஆண்டுகள் ஆகிறது.