ஆந்திரா ஸ்பெஷல் பெருகு பச்சடி செய்யலாம் வாங்க!

செய்முறை விளக்கம்: 

• முதலில் ஒரு வாணலியில் எண்ணெய் ஊற்றி அது சூடானதும், கடுகு, உளுத்தம் பருப்பு கடலைப்பருப்பு, வெந்தயம் போட்டு நன்றாக வறுக்கவும்.

• அடுத்ததாக இஞ்சி, சீரகம், வரமிளகாய் பச்சை மிளகாய் சேர்த்து வதக்கியதும் வரமிளகாயைப் போடவும். இத்துடன் நறுக்கிய வெங்காயத்தை சேர்த்து, நன்கு வதக்கவும்.

• பின்னர் மஞ்சள் தூள், மிளகாய் தூள் சிறிதளவு உப்பு சேர்த்து அனைத்தும் நன்றாக வேகும் வரை வதக்கவும். இறுதியாக அந்தக் கலவையில் கருவேப்பிலை மற்றும் தக்காளி சேர்த்து, தக்காளி அரைவேக்காடு வந்ததும் அடுப்பை அணைத்து விடவும்.

• இப்போது இந்த கலவையை கரைத்து வைத்துள்ள ஒரு லிட்டர் தயிரில் அப்படியே கொட்டி கலந்துவிட வேண்டும்.

• இறுதியாக கொத்தமல்லியை மேலே தூவி உப்பு சரியாக உள்ளதா என்பதை சரிபார்த்து சாதத்தில் ஊற்றி சாப்பிட்டுப் பாருங்கள், சுவை வேற லெவலில் இருக்கும். இதை சிறியவர்கள் முதல் பெரியவர்கள் வரை அனைவருமே விரும்பி சாப்பிடுவார்கள்.