வெயில் காலத்தில் நட்ஸ், உலர் பழங்கள் சாப்பிடலாமா?

​உலர் மாங்காய் ( Dried Mango)

கோடை காலம் என்றாலே அது மாம்பழ சீசன். அதனால் மாம்பழம், மாங்காய் சார்ந்த உணவுகளை அதிகமாக சாப்பிடுவோம்.

இந்த சீசனில் தான் வருடம் முழுமைக்கும் தேவைப்படுகிற ஊறுகாய் போன்றவற்றை போட்டு வைத்துக் கொள்வோம். அதேபோல மாங்காய் உப்புக்கண்டம் போட்டு எடுத்து வைப்போம்.

இதை செய்து வைத்துக் கொண்டு வெயில் காலம் முடிந்தபின் சமைத்து சாப்பிடுங்கள். ஆனால் வெயில் காலத்தில் உலர் மாங்காயை சாப்பிடாதீர்கள். அது உடல் சூட்டை வேகமாக உயர்த்தும்.

​பிஸ்தா ( Pistachios)

பிஸ்தா ஆரோக்கியமும சுவையும் நிறைந்த ஒரு உலர் நட்ஸ் வகை தான். உடலுக்கு அதிக எனர்ஜியைக் கொடுக்கக் கூடியது. அதிக கலோரியும் கொண்டது.

வெயில் காலத்தில் ஏற்கனவே நீர்ச்சத்து குறைபாடு உண்டாகும். அதோடு அதிக கலோரிகளும் எடுத்துக் கொண்டால், உடல் சூடு இன்னும் அதிகமாகும். சாப்பிட வேண்டுமென்று ஆசை தோன்றினால் 2 பருப்பு மட்டும் சாப்பிட்டுக் கொள்ளுங்கள்.

​ஏலக்காய் (Cardamom)

வெயில் காலத்தில் ஏலக்காயை அதிகமாக எடுத்துக் கொள்ளக் கூடாது. ஏலக்காய்க்கு உடல் சூட்டை அதிகரிக்கும் தன்மை உண்டு. இது வெயில் காலத்தின் இன்னும் கொஞ்சம் உடல் வெப்பநிலையை அதிகரிக்கச் செய்யலாம்.

அதனால் வெயில் நேரத்தில் ஏலக்காய் சேர்த்து டீ குடிப்பது, ஏலக்காய் அதிகமாக சேர்க்கும் இனிப்பு வகைகளைத் தவிர்த்திடுங்கள்.

​எந்த மாதிரி உலர் பழங்களை சாப்பிடலாம்?

வெயில் காலத்தில் ஊட்டச்சத்து குறைபாடு ஏற்படாமல் இருப்பதற்கு சில உலர் பழங்களை எடுத்துக் கொள்ளலாம்.

• உலர் திராட்சை,

• முந்திரி பருப்பு,

• பாதாம் பருப்பு,

போன்ற உலர் நட்ஸ் வகைகளை எடுத்துக் கொள்ளலாம். இவை உடல் வெப்பத்தைத் தணித்து உடலைக் குளிர்ச்சியாக வைத்திருக்கும்.

​தெரிந்து கொள்ள வேண்டியவை

வெயில் காலத்தில் எந்த வகை உலர் பழங்களைச் சாப்பிட்டாலும், மிதமான அளவிலேயே சாப்பிட வேண்டும்.

மினரல்கள் குறைபாடு, ஊட்டச்சத்து குறைபாடு பிரச்சினை உள்ளவர்களாக இருந்தால் மருத்துவரின் ஆலோசனைகளைப் பெற்று பின்பு சரியான அளவில் எடுத்துக் கொள்ளுங்கள்.

வெயில் காலத்தில் ஆரோக்கியமான சில உணவு மாற்றங்களைச் செய்து கொள்வது நல்லது.