தேவையான பொருட்கள்
மொச்சைக்கொட்டை – 75 கிராம்
புளி – 30 கிராம்
கடுகு – 1 ஸ்பூன்
சீரகம் – 1/4 ஸ்பூன்
வரமிளகாய் – 6
தாளிப்பு வடகம் – 1 ஸ்பூன்
சாம்பார் தூள் – 1 ஸ்பூன்
மிளகாய் தூள் – 1/2 ஸ்பூன்
மிளகு – 1/2 ஸ்பூன்
கடலைஎண்ணைய் – 1/2 கிண்ணம்
கத்திரிக்காய் – 150 கிராம்
சின்ன வெங்காயம் – 50 கிராம்
தக்காளி – 2
கறிவேப்பிலை –1 கொத்து
துருவிய தேங்காய் –1 கப்
கொத்தமல்லித்தழை – கைப்பிடியளவு
செய்முறை விளக்கம் –
-
மொச்சையை மூன்று மணி நேரம் ஊறவைத்து எடுத்துக்கொள்ளவேண்டும்.
-
சின்ன வெங்காயத்தை தோலுரித்து நறுக்கிக்கொள்ள வேண்டும். கத்தரிக்காயை அலசிவிட்டு நான்காகவும், தக்காளியை பொடியாகவும் நறுக்கிக்கொள்ள வேண்டும் .
-
புளியை ஊறவைத்து கரைத்து வைக்கவேண்டும். மிளகு சீரகத்தை இடித்து வைக்கவேண்டும். தாளிப்பு வடகத்தை உதிர்த்து வைக்கவேண்டும்.
-
ஊறிய மொச்சையை எடுத்து குக்கரில் சேர்த்து அதனுடன் 3 மடங்கு தண்ணீர் சேர்த்து, 2 விசில்கள் விட்டு வேக வைக்கவேண்டும். மொச்சை வெந்தவுடன் நீரை வடிகட்டி அதை பத்திரமாக வைத்துக்கொள்ள வேண்டும்.
-
கடாயை சூடாக்கி, கால் கிண்ணம் எண்ணெய் சேர்த்து, சூடானவுடன், கடுகு, வரமிளகாய், கறிவேப்பிலை சேர்த்து தாளிக்க வேண்டும்.
-
இதில் நறுக்கிய சின்ன வெங்காயம் சேர்த்து வதக்கவேண்டும். தக்காளி மற்றும் கத்தரிக்காயை சேர்த்து நன்றாக வதக்கவேண்டும்.
-
மொச்சை வேக வைத்த தண்ணீர் மற்றும் தேவைப்பட்டால் கூடுதலாக கொஞ்சம் தண்ணீர் சேர்த்து வேகவைக்க வேண்டும். கடாயை மூடி வைத்து வேகவைக்க வேண்டும்.
-
அடுப்பு மிதமான தீயில் இருக்க வேண்டும். பின்னர் சாம்பார் தூள், மிளகாய் தூள், புளி கரைசல், உப்பு எல்லாம் சேர்த்து, கிளறி உப்பு, காரம் சரி பார்க்கவேண்டும்.
-
இன்னொரு அடுப்பில், கடாலை சூடாக்கி, மீதி கடலை எண்ணெய்யை ஊற்றி இடித்த மிளகு சீரகம், தாளிப்பு வடகம், துருவிய தேங்காய் அனைத்தும் சேர்த்து தாளித்து வைக்கவேண்டும்.
-
குழம்பு ஒரு கொதி வந்ததும் தாளிப்பை குழம்பில் சேர்த்து ஒரு கிளறு கிளறி ஓரிரு நிமிடங்கள் அடுப்பில் வைத்து பின்னர் இறக்கிவைத்து மல்லித்தழை துவவேண்டும்.
-
கமகம மணத்துடன் அட்டகாசமான அம்மாபேட்டை மொச்சைக் கொட்டைக் குழம்பு ரெடி. நீங்கள் செய்த குழம்பு கூட்டு பதத்தில் இருந்தால் தேவையான அளவு கொதிக்கும் தண்ணீர் சேர்த்து மீண்டும் அடுப்பில் வைத்து குழம்பாக்கிக் கொள்ளலாம்.
-
சூடான சோற்றில் நெய் அல்லது நல்லெண்ணெய் மற்றும் கடலை எண்ணெய் ஊற்றி பிசைந்து சாப்பிட சுவை அள்ளும். இதற்கு தொட்டுக்கொள்ள அப்பளம் வடகம் இருந்தால் போதும்.
-
அதிக காரமில்லாத பொரியல் கூட்டு, வடை, பக்கோடா போன்ற தொடுகறிகளும். சூடான ஆம்லெட் மிக நல்ல காம்போ. தயிர் சாதம், இட்லி, தோசைக்கும் இந்தக்குழம்பு தொட்டுக்கொள்ள நன்றாக இருக்கும். சூடான பருப்பு சாதத்திற்கும் மோர் குழம்பு சாதத்திற்கும் மிகவும் நன்றாக இருக்கும்.
-
இதே குழம்பில் கூடுதலாக பரங்கிக்காய் சேர்த்தால் சுவை அட்டகாசமாக இருக்கும்.
-
இந்தக் குழம்பை நீங்கள் ரொம்பத் தண்ணீராக வைக்கக் கூடாது. இது திக்காக வைக்கவேண்டிய ஒரு குழம்பாகும்.
-
மொச்சை ஊறிய, மொச்சை வெந்த நீரையே குழம்புக்கு பயன்படுத்தினால் குழம்பின் ருசி அட்டகாசமாக இருக்கும்.