Bigg Boss Tamil 7: பூர்ணிமாவை கண்டுக்காமல் இருந்தது ஏன் ? விளக்கம் கொடுத்த இந்துஜா..!

பிக் பாஸ் சீசன் 7 ரசிகர்கள் இடையே மிகப்பெரிய ரீச்சாகி இருக்கின்றது. மற்ற சீசன்களை காட்டிலும் இந்த சீசனை ரசிகர்கள் விரும்பி பார்த்து வருகின்றனர். மோதல், காதல், சர்ச்சை என அனைத்தும் சேர்ந்த கலவையாக இந்த சீசன் இருந்து வருகின்றது. இதன் காரணமாகவே இந்த சீசனை ரசிகர்கள் ஆர்வமாக பார்த்து வருகின்றனர்.

பிரதீப் ஆண்டனி வீட்டை விட்டு வெளியேறிய பிறகு பிக் பாஸ் நிகழ்ச்சியின் TRP குறைந்துவிடும் என்றுதான் நினைத்தார்கள். ஆனால் அதன் பிறகும் பிக் பாஸ் TRP உயர்ந்துகொண்டு தான் இருக்கின்றது. பிரதீப் ஆண்டனிக்கு சப்போர்ட் செய்த ரசிகர்கள் பலரும் தற்போது அர்ச்சனாவுக்கு ஆதரவாக இருந்து வருகின்றனர்.

அவருக்கு தான் அதிகளவில் வாக்குகள் கிடைத்து வருகின்றது. எனவே அர்ச்சனா கண்டிப்பாக இறுதிப்போட்டிக்கு செல்வார் என எதிர்பார்க்கப்படுகின்றது. மறுபக்கம் பிரதீப் ஆண்டனி வெளியேற மிக முக்கியமான காரணமாக இருந்தவர்கள் தான் மாயா மற்றும் பூர்ணிமா என ரசிகர்கள் கூறி வரும் நிலையில் அவர்களுக்கு கடுமையான எதிர்ப்பு இருக்கின்றது.

மாயா மற்றும் பூர்ணிமா நாமினேட் ஆனால் முதல் ஆளாக அவர்களை வெளியே அனுப்ப பிரதீப் ஆண்டனியின் ஆதரவாளர்கள் காத்துகொண்டு இருக்கின்றனர். மாயா கடந்த சில வாரங்களாக நாமினேட் ஆகாத நிலையில் பூர்ணிமா நாமினேட் ஆகி நூலிழையில் தப்பித்துவிட்டார். இந்நிலையில் சில நாட்களுக்கு முன்பு பார்க்கிங் படக்குழுவினர் ப்ரோமோஷனுக்காக பிக் பாஸ் இல்லத்திற்கு வந்தனர்.

இப்படத்தில் நடித்த ஹரிஷ் கல்யாண் மற்றும் இந்துஜா ஆகியோர் பிக் பாஸ் வீட்டிற்கு சிறப்பு விருந்தினராக வந்திருந்தார்கள். இதில் இந்துஜா பூர்ணிமா நெருங்கிய தோழியாம். இருவரும் கல்லூரியில் இணைந்து படித்தனர். அதில் இருந்தே இருவரும் நல்ல நண்பர்களாக இருந்துள்ளார்கள். ஆனால் பிக் பாஸ் வீட்டிற்கு வந்த இந்துஜா தன்னை கண்டுகொள்ளவில்லை என கூறி பூர்ணிமா அழுதார்.

அவர் ஏன் என்னை கண்டுகொள்ளவில்லை என பூர்ணிமா வருத்தப்பட்டார். இதைத்தொடர்ந்து பூர்ணிமாவை தான் ஏன் கண்டுகொள்ளவில்லை என பேசியுள்ளார் இந்துஜா. அவர் கூறியதாவது, நான் பட ப்ரோமோஷனுக்காக பிக் பாஸ் வீட்டிற்கு வந்தேன். அதன் காரணமாக தான் நான் அனைவரையும் சமமாக நடத்தினேன்.

பூர்ணிமா என் தோழி என காட்டிக்கொள்ளவில்லை. உள்ளே போகும் போது அனைவரையும் சமமாக கருதவேண்டும் என பிக் பாஸ் குழு கூறியது. அதனால் தான் அப்படி நடந்துகொண்டேன். பூர்ணிமா எனக்கு நல்ல தோழி.அவர் ரொம்ப ஸ்வீட் பெர்சன் என கூறினார் இந்துஜா என்பது குறிப்பிடத்தக்கது.